Kristín Jónsdóttir (Kró)

Kristín Jónsdóttir bústýra í Kró fæddist 5. október 1833 og lést 31. mars 1921.
Foreldrar hennar voru Jón Guðmundsson, f. 1800, d. 12. desember 1836, og Kristín Gísladóttir, síðar húskona á Hárlaugsstöðum í Holtum, f. 24. apríl 1801, d. 8. ágúst 1880.

Kristín var niðursetningur á Reynifelli í Keldnasókn 1835, á Eystri-Kirkjubæ þar 1845, bústýra á Læk í Krýsuvíkursókn hjá Hannesi Hannessyni bónda 1870 og 1872. Hún eignaðist með honum Sæmund 1872.
Hún var bústýra hjá Helga Snorrasyni í Hellukoti á Stokkseyri 1880. Þar var Sæmundur sonur hennar hjá henni, 8 ára, vinnukona í Litla-Nýjabæ í Þykkvabæ 1890.
Kristín fluttist til Eyja 1895 frá Gljábæ í Þykkvabæ og gerðist bústýra hjá Eyjólfi Jónssyni frá Löndum, þá ekkill í Kró. Hjá honum var hún til dd. hans 1914. Hún var enn húsfreyja í Kró 1915. 1916 var hún í „dvöl“ í Garðsfjósi, 1919 og 1920 var hún á sveit í Haga.
Kristín lést í Haga 1921.

I. Barnsfaðir hennar var Hannes Hannesson bóndi, en lengst vinnumaður, þá bóndi á Læk í Krýsuvík, f. 7. september 1822 í Gunnarsholtshjáleigu á Rangárvöllum, d. 6. desember 1906.
Barn þeirra var
1. Sæmundur Hannesson skipstjóri í Noregi, f. 30. apríl 1872. Hann fór til Noregs og lærði þar, kvæntist norskri konu. Varð hann skipstjóri á flutningaskipi, drukknaði í Los Angeles 1913.

---

Heimildir

• Samantekt: Víglundur Þór Þorsteinsson.
• Íslendingabók.is.
• Íslenzkir sagnaþættir og þjóðsögur II., 158. Guðni Jónsson. Ísafoldarprentsmiðja h.f. 1957.
• Manntöl.
• Prestþjónustubækur.
• Rangvellingabók. Valgeir Sigurðsson. Rangárvallahreppur, Hellu 1982.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---