Helgi Jónsson (Kornhól)

Helgi Jónsson bóndi og formaður í Kornhól fæddist 9. júlí 1806 á Eystri-Klasbarði í V-Landeyjum og lést 17. júní 1864, drukknaði.
Faðir hans var Jón Halfdanarson frá Eystri-Klasbarða f. 1772, d. 1814.
Móðir Helga í Kornhól og kona Jóns Halfdanarsonar var Kristín húsfreyja, f. 27. júní 1782, d. 3. júní 1833, Þorleifsdóttir „yngri“, bónda að Hóli í V-Landeyjum, f. 1735, Sigurðssonar sýslumanns Stefánssonar og konu hans, Þórunnar Jónsdóttur húsfreyju, f. (1710).
Móðir Kristínar Þorleifsdóttur og kona Þorleifs yngri var Steinunn húsfreyja, f. 1758, Þórarinsdóttir.

Helgi var bróðir:
1. Gísla Jónssonar bónda og hreppstjóra í Presthúsum, f. 11. apríl 1803, d. 28. ágúst 1861.
2. Kristínar Jónsdóttur húsfreyju á Gjábakka, f. 11. september 1811, d. 14. október 1883, konu Eiríks Hanssonar.
3. Helgu Jónsdóttur vinnukonu, mormóna, f. 1813, d. í Vesturheimi.

Helgi var með móður sinni og stjúpa í Eystri-Klasbarði 1816, en þau eru sögð þar foreldrar barnanna.
Hann var kvæntur sjómaður í Kornhól 1845 með konu og tvö börn, þar með konu og þrjú börn 1850, 1855 var Jónas fæddur, 5 ára. Á mt. 1860 var Helgi ekkill með syni sína þrjá hjá sér. Í Kornhól var einnig Jóhannes Illugason, sem verið hafði í lífverði Jörundar hundadagakonungs. Hann dó þar á níræðisaldri 1860.
Helgi var formaður á báti, sem fórst við Elliðaey 17. júní 1864.

Helgi var tvíkvæntur.
I. Fyrri kona Helga, (5. september 1835), var Þuríður Björnsdóttir frá Steinsstöðum f. 1813, d. 16. október 1837.
Börn þeirra hér:
1. Jón Helgason, f. 19. október 1834, d. 30. október 1834 úr ginklofa.
2. Helga Helgadóttir, f. 12. apríl 1836, d. 29. desember 1914. Hún ólst upp hjá föður sínum.
3. Jón Helgason, f. 25. ágúst 1837, d. 3. september 1837 úr ginklofa.

II. Síðari kona Helga, (19. október 1838), var Sigríður Bjarnadóttir húsfreyja, f. 25. júní 1814, d. 25. september 1857.
Börn þeirra Sigríðar hér:
4. Ingvar Helgason, f. 10. ágúst 1840, d. 19. ágúst 1840 úr ginklofa.
5. Kristín Helgadóttir, f. 26. júní 1842 í Dölum, d. 10. júlí 1842 úr ginklofa.
6. Bjarni Helgason, f. 30. ágúst 1844. Hann var með foreldrum sínum 1845, 1850 og 1855. Hann var með ekklinum föður sínum 1860, síðar vinnumaður á Ofanleiti, d. 22. júlí 1869 „úr taksótt“ . Hann var í drengjaflokki Herfylkingarinnar
7. Árni Helgason, f. 4. september 1848.
8. Jónas Helgason, síðar bóndi í Nýjabæ f. 26. september 1851, d. 15. apríl 1914.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Vestur-Skaftfellingar 1703-1966. Björn Magnússon. Leiftur 1970-1973.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---