Kristín Ögmundsdóttir (Nýjabæ)

Kristín Ögmundsdóttir húsfreyja fæddist 1789 í Jórvík í Álftaveri og lézt 6. júní 1842 í Eyjum.
Foreldrar hennar voru Ögmundur Björnsson, líklega bóndi á Hvoli í Mýrdal, f. um 1751, d. í Eyjum 16. febrúar 1793 og barnsmóðir hans Ingigerður Árnadóttir ljósmóðir, f. um 1764.
Stjúpfaðir Kristínar var Jón Einarsson, f. um 1774.

Kristín var barn í Dölum 1801, gift kona í Nýjabæ 1816-1820, í Gerði 1820-1825 og í Stakkagerði 1825. Hún lést í Nýjabæ 1842.

Maki I, barnsfaðir: Jón Nikulásson bóndi og ekkjumaður á Búastöðum, sem neitaði.
Barn:
1. Guðríður Jónsdóttir, f. 20. desember 1807, d. 27. desember 1807 úr ginklofa .

Maki II, barnsfaðir: Otti Jónsson verslunarmaður, f. 1790.
Barn:
2. Sigríður Ottadóttir, f. 12. nóvember 1812, d. 22. nóvember 1812 úr ginklofa.

Maki III, barnsfaðir: Sigurður Magnússon á Miðhúsum.
Barn:
3. Sigurður Sigurðsson, f. 20. október 1814. Hann mun hafa dáið ungur.

Maki IV (gift 22. júní 1816): Magnús Guðlaugsson bóndi og hreppstjóri í Nýjabæ, f. um 1793 á Götum í Mýrdal, drukknaði 5. marz 1834.
For.: Guðlaugur bóndi á Götum 1801, f. 1757, d. 7. apríl 1828 í Pétursey í Mýrdal, Jóns, f. 1719, Sigurðssonar og fyrri kona Guðlaugs, Sigríður húsmóðir á Götum, d. 29. okt. 1797 á Götum, Jónsdóttir, Eiríkssonar.
Börn þeirra:
4. Sigríður, f. 5. des. 1816, d. 15. desember 1816, „deiði af Vestmanneyabarnaveikleika“.
5. Guðmundur, f. 28. nóv. 1818, d. 30. nóv. s. ár „af Vestm: Barnaveikinni“, þ.e. eflaust ginklofi.
6. Magnús, f. 26. febr. 1819 í Nýjabæ, d. 4. marz s. ár úr ginklofa.
7. Ingigerður, f. 9. júlí 1821 í Gerði, d. 14. júlí s. ár úr ginklofa.
8. Jón, f. 19. júní 1822 í Gerði, d. 26. júní 1822 „af sinadráttarsýki“, mun vera ginklofi, stífkrampi.
9. Magnús, f. 20. júlí 1823, d. 2. ágúst 1823 úr ginklofa.
10. Guðmundur, f. 16. sept. 1824 í Gerði, d. 23. sept. 1824 úr ginklofa.
11. Jón Magnússon, f. 1. september 1828 í Stakkagerði, d. 13. september 1828 úr ginklofa.
12. Sigurður, f. 23. ágúst 1829 í Stakkagerði, d. 2. sept. 1829 úr ginklofa.
13. Kristján Magnússon, f. 20. ágúst 1830, d. 26. febr. 1865.

Maki V: Jón Árnason bóndi í Nýjabæ, f. 1807 í Kerlingardal í Mýrdal.
Foreldrar hans voru Árni bóndi í Kerlingardal, f. 1764, d. 11. marz 1836, Klemensson, Hallgrímssonar og konu Klemensar, Vilborgar Runólfsdóttur. Móðir Jóns og kona Árna var Helga húsfreyja, f. 1779, Þorsteins bónda, síðast í Kerlingardal, Steingrímssonar og konu Þorsteins, Guðríðar Bjarnadóttur, Nikulássonar.
Við giftingu var Kristín 47 ára, en Jón 28 ára. Hann var ekkill í Nýjabæ 1845 með Kristjáni stjúpsyni sínum.
Þau Jón voru barnlaus.

---

Heimildir

• Upphaflega grein skrifaði Víglundur Þór Þorsteinsson
• Björn Magnússon: Vestur-Skaftfellingar. Reykjavík: Prentsmiðjan Leiftur, 1970-1973.
• Ljósmæður á Íslandi. Reykjavík: Ljósmæðrafélag Íslands, 1984.
• Prestþjónustubækur.