Anna Þorbjörnsdóttir (Dalahjalli)

Anna Þorbjörnsdóttir í Dalahjalli, fæddist 1798 í Bakkahjáleigu í A-Landeyjum og lést 11. mars 1849.
Faðir hennar var Þorbjörn Jónsson tómthúsmaður í Dalahjalli, f. 1765, d. 20. febrúar 1811.
Móðir Önnu var Kristín Þórólfsdóttir húsfreyja í Dalahjalli, f. 1765, d. 11. október 1830.

Anna var þriggja ára með foreldrum sínum í Bakkahjáleigu 1801. Móðir hennar var þar húskona og faðirinn vinnumaður.
Hún var fósturbarn í Presthúsum 1816; ekkja, vinnukona að Ofanleiti 1835, en var hjá Þórði syni sínum á Löndum 1845.

Maður Önnu, (8. október 1820), var Einar Einarsson tómthúsmaður í Kastala 1821, bóndi í Ólafshúsum 1822 og í Presthúsum 1823, d. 15. september 1833 af slysförum.
Börn þeirra hér:
1. Þorbjörn Einarsson, f. 9. október 1819 á Gjábakka, d. 15. október 1819.
2. Þorbjörg Einarsdóttir, f. 2. júlí 1821 í Kastala, d. 17. júlí 1821.
3. Þórður Einarsson sjómaður á Löndum, síðar sjávarbóndi á Vilborgarstöðum, f. 4. október 1822, d. 1860.
4. Guðmundur Einarsson, f. 9. desember 1823 í Presthúsum, d. 7. desember 1823.
5. Páll Einarsson, f. 27. mars 1825 í Presthúsum, d. 1. apríl 1825.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.