Berglind Kristjánsdóttir

Berglind Kristjánsdóttir húsfreyja, glerlistakona, kaupmaður, kokkur fæddist 8. október 1971.
Foreldrar hennar eru Emma Pálsdóttir frá Þingholti, húsfreyja, útgerðarstjóri, f. þar 10. apríl 1944, og maður hennar Kristján Óskarsson skipstjóri, f. 13. maí 1946 á Bakkastíg 8.

Berglind var með foreldrum sínum í æsku.
Hún lauk nokkrum árum í Framhaldsskólanum í Eyjum, lærði tækniteiknun í Rvk 1989, lærði glerlist á námskeiði í Gliti í Rvk .
Þau Jón Snædal stofnuðu verslunina ,,Adam og Eva“ í Kúluhúsinu og ráku 1990-1993. Hún og Hafdís systur hennar stofnuðu verslunina ,,Póley“ 1999 og ráku til 2007.
Berglind stofnaði gallerí, ,,BKgler“ þar sem Eyjabúð var áður og rak það 2010-1017. Þá vann hún á veitingahúsinu Tanganum 2017-2021. Hún var þerna á Herjólfi frá 2021, varð kokkur þar 2022 og er enn.
Þau Jón giftu sig 1999, eignuðust þrjú börn. Þau bjuggu við Illugagötu.
Jón Snædal lést 2013.
Berglind býr við Túngötu.

I. Maður Berglindar, (31. desember 1999), var Jón Snædal Logason skipstjóri, f. 11. ágúst 1971 í Rvk, d. 6. maí 2013.
Börn þeirra:
1. Halla Björk Jónsdóttir starfsmaður á Sambýlinu í Eyjum og á tannlæknastofu, f. 13. nóvember 1993. Barnsfaðir hennar Einar Ottó Hallgrímsson. Unnusti hennar Hjálmar Viðarsson.
2. Logi Snædal Jónsson rafvirki, f. 26. janúar 1998. Kona hans Svala Björk Hólmgeirsdóttir.
3. Sæþór Páll Jónsson sjómaður, f. 3. júlí 2001.

---

Heimildir

• Samantekt: Víglundur Þór Þorsteinsson.
• Berglind.
• Íslendingabók.
• Morgunblaðið 11. maí 2013. Minning Jóns Snædals.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---