Oddur Ögmundsson

Oddur Ögmundsson fæddist 1787 að Hvoli í Mýrdal og lézt 2. janúar 1837 á Kirkjubæ.
Foreldrar hans voru Ögmundur Björnsson (líklega) bóndi á Hvoli í Mýrdal 1777, f. 1751, d. 16. febrúar 1793 og barnsmóðir hans Ingigerður Árnadóttir ljósmóðir, f. 1764, d. 20. maí 1837.
Oddur var í Dölum 1801, bóndi í Gerði 2, 1816 og 1835.
Hann lézt úr holdsveiki.

Maki I, barnsmóðir: Katrín Oddsdóttir vinnukona í Kornhól.
Barn: Magnús, f. 26. jan. 1811, d. sama ár.

Maki II, (25. júlí 1813): Ingveldur Magnúsdóttir húsmóðir frá Löndum, f. í Yztabæliskoti u. Eyjafjöllum 2. janúar 1796, d. 13. október 1868 í Eyjum. Hún var systir Magnúsar í Háagarði, móðurföður Magnúsar í Hlíðarási Guðmundssonar. Hún var ekkja hjá syni sínum Magnúsi á Kirkjubæ 1845.
Börn:

1. Sesselja, f. 10. ágúst 1815.
2. Sigurður, f. 24. júlí 1817.
3. Magnús skipherra, f. 24. október 1822, fórst með þilskipinu Helgu í apríl 1867.
4. Oddur, f. 12. október 1826, d. 17. október sama ár.
5. Þuríður, f. 12. maí 1829, d. 1903, giftist Þórarni Hafliðasyni mormónatrúboða 15. ágúst 1850, en hann drukknaði 6. marz 1852. Hún giftist svo Jóni Árnasyni í Sjólyst og Þorlaugargerði.
6. Ingveldur, f. 2. nóvember 1831, á lífi á Kirkjubæ 1845.

---

Heimildir

• Upphaflega grein skrifaði Víglundur Þór Þorsteinsson
• Björn Magnússon: Vestur-Skaftfellingar. Reykjavík: Prentsmiðjan Leiftur H.F., 1970-1973.
• Ljósmæður á Íslandi. Reykjavík: Ljósmæðrafélag Íslands, 1984.
• Manntöl.
• Prestþjónustubækur.
• Sigfús M. Johnsen: Saga Vestmannaeyja. Reykjavík: Ísafoldarprentsmiðja H.F., 1946.
• Sigfús M. Johnsen: Þórarinn Hafliðason fyrsti mormónatrúboðinn í Vestmannaeyjum. Blik, 1960.