Ásdís Anna Johnsen

Ásdís Anna Johnsen.

Ásdís Anna Gísladóttir Johnsen frá Brekku við Faxastíg 4, húsfreyja, hjúkrunarfræðingur fæddist þar 6. febrúar 1949.
Foreldrar hennar voru Gísli Friðrik Johnsen útgerðarmaður, ljósmyndari, f. 11. janúar 1911, d. 8. október 2000, og kona hans Friðbjörg Tryggvadóttir húsfreyja, hjúkrunarfræðingur, f. 25. maí 1907, d. 2. maí 1996.

Börn Friðbjargar og Gísla Friðriks:
1. Hrafn Gíslason Johnsen tannlæknir, f. 6. janúar 1938, kvæntur Sigurrós Skarphéðinsdóttur, f. 11. júní 1941.
2. Örn Tryggvi Gíslason Johnsen, f. 30. maí 1944, d. 9. október 1960.
3. Ásdís Anna Gísladóttir Johnsen hjúkrunarfræðingur, f. 6. febrúar 1949. Fyrrum maður hennar er Björn Blöndal, f. 14. maí 1946.

Ásdís var með foreldrum sínum í æsku.
Hún varð gagnfræðingur í Gagnfræðaskólanum 1966, var skiptinemi í Bandaríkjunum í eitt ár, lauk námi í Hjúkrunarskóla Íslands í september 1972.
Ásdís var hjúkrunarfræðingur á Borgarspítalanum, Grensásdeild desember 1973 til janúar 1976, á Landspítalanum, öldrunardeild apríl 1976-júlí 1977 og frá október 1978-1980, hjúkrunarfræðingur á Sjúkrahúsinu í Keflavík frá 1. desember 1980 til 2010, í Handlæknastöðinni í Glæsibæ 2011 til 2019.
Þau Björn giftu sig 1972, eignuðust fjögur börn, en skildu.

I. Maður Ásdísar, (20. nóvember 1972, skildu), er Björn Blöndal lögreglumaður, fréttaritari, rútubifreiðastjóri, starfsmaður slökkviliðsins á Keflavíkurflugvelli, f. 14. maí 1946, d. 22. maí 2016. Foreldrar hans Björn Auðunn Haraldsson Blöndal sölumaður, f. 14. júní 1921, d. 5. apríl 1995 og kona hans Kristbjörg Gísladóttir húsfreyja, f. 17. nóvember 1927, d. 7. október 1980. Fósturfaðir Björns var Hreggviður Hermannsson læknir, f. 22. júlí 1931, d. 8. apríl 2006.
Börn þeirra:
1. Margrét Björnsdóttir Blöndal hjúkrunarfræðingur, f. 7. febrúar 1971. Fyrrum sambúðarmaður Jón Þór Maríusson. Sambúðarmaður Helgi Þór Einarsson.
2. Kristín Björnsdóttir Blöndal kennari, f. 10. janúar 1972. Fyrrum maður hennar Vignir Elísson.
3. Friðbjörg Björnsdóttir Blöndal lyfjatæknir, f. 18. apríl 1973. Maður hennar Flosi Helgason.
4. Gísli Friðrik Björnsson Blöndal trésmiður, landmælingamaður, f. 10. október 1977. Kona hans Anna Björk Theodórsdóttir.

---

Heimildir

• Samantekt: Víglundur Þór Þorsteinsson.
• Ásdís Anna.
• Hjúkrunarfræðingatal I-III. Hjúkrunarfélag Íslands 1969-1992.
• Íslendingabók.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---