Árni Jónsson (Odda)

Sjá aðgreiningarsíðuna fyrir aðra sem hafa borið nafnið „Árni Jónsson“

---

Árni Jónsson.

Árni Jónsson fæddist 12. apríl 1889 og lést 21. júní 1963. Hann bjó í Odda við Vestmannabraut 63a.

Árni var verslunarmaður á Tanganum.

---

Heimildir

• gardur.is

Frekari umfjöllun

Árni Jónsson í Odda, (,,Árni á Tanganum“), verslunarmaður á Tanganum, verkstjóri fæddist 12. apríl 1889 og lést 21. júní 1963.
Foreldrar hans voru Jón Sigurðsson, síðar bóndi á Tjörnum u. Eyjafjöllum, f. 24. mars 1857, d. 5. apríl 1932, og Gyðríður Sveinsdóttir, (skráð Guðríður við skírn), f. 1. október 1851, d. 29. janúar 1913.

Árni var með móður sinni og Sveini afa sínum á Helgusöndum 1890, var vinnumaður á Búðarhóli í A-Landeyjum 1901. Hann fluttist frá Álftarhóli í A-Landeyjum til móður sinnar í Lambhaga 1908, var með henni á Fögruvöllum 1912, en hún lést 1913.
Þau Soffía bjuggu á Hólmi við giftingu 1917, voru komin á Eyjarhóla 1918 og voru þar enn 1922, á Höfða 1925 og 1927, voru í Odda 1930 og síðan.
Hann var verslunarmaður á Tanganum og verkstjóri um áratugi.
Árni lést 1963 og Soffía 1978.

Kona Árna, (26. maí 1917), var Soffía Katrín Þorsteinsdóttir húsfreyja, f. 31. júlí 1895, d. 21. maí 1978.
Barn þeirra var
1. Ólafur Árnason bifreiðastjóri, f. 31. júlí 1917 á Hólmi, d. 26. febrúar 1997.
2. Guðríður Árnadóttir, f. 31. júlí 1917 á Hólmi, d. 15. október 1917.

Myndir

• 
• 
• 
• 
• 
• 
• 
• 
• 
• 
• 
• 
• 

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---