Helga Sveinsdóttir (Varmadal)

Árni Magnússon og Helga Sveinsdóttir.

Helga Sveinsdóttir húsfreyja í Varmadal, síðar á Kröggólfsstöðum í Ölfusi fæddist 12. ágúst 1900 á Gamla-Hrauni á Eyrarbakka og lést 2. ágúst 1974.
Foreldrar hennar voru Sveinn Þórðarson bóndi, f. 24. júní 1868 og kona hans Sigríður Þorvarðardóttir húsfreyja, f. 25. júlí 1870.

Helga ólst upp hjá foreldrum sínum, var þar enn 1920.
Hún var með Árna hjá foreldrum hans á Bergstöðum 1925 og enn 1927.
Þau Árni giftu sig 1929 og bjuggu með þrem börnum sínum á Skólavegi 24 (Varmadal) 1930 og enn 1934 Hún bjó með fjölskyldunni á Hásteinsvegi 17 (Fjósinu) 1935.
Þau fluttust til Reykjavíkur. Þar fæddist Ragnhildur 1938.
Helga og Árni voru bændur á Kröggólfsstöðum í Ölfusi 1942-1959. Þau bjuggu síðan í Hvergerði og Þorlákshöfn.
Árni lést 1961 í Þorlákshöfn. Helga lést 1974.

Maður Helgu, (25. ágúst 1929), var Árni Magnússon sjómaður, bóndi, f. 26. febrúar 1902, d. 1. október 1961.
Börn þeirra:
1. Sigurður Kristján Árnason, f. 20. september 1925 á Bergstöðum.
2. Ragnar Guðbjartur Árnason, f. 24. september 1926 á Bergstöðum, d. 31. desember 2004.
3. Magnús Sveinberg Árnason, f. 17. apríl 1929, d. 16. febrúar 1930.
4. Magnea Sveinbjörg Árnadóttir, f. 12. september 1930 í Skálanesi.
5. Sigrún Árnadóttir, f. 25. janúar 1932 í Varmadal, d. 15. janúar 2004.
6. Jónína Helga Árnadóttir, f. 7. ágúst 1935 á Hásteinsvegi 17, d. 7. desember 2009.
7. Ragnhildur Árnadóttir, f. 6. ágúst 1938 í Reykjavík, d. 14. janúar 2013.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Ölfusingar: Búendatal Ölfushrepps 1703-1980. Eiríkur Einarsson. Sögusteinn 1985.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---