Brynjólfur Brynjólfsson (Vilborgarstöðum)

Brynjólfur Brynjólfsson bóndi á Vilborgarstöðum 1817, síðar bóndi í Miðskála u. Eyjafjöllum, fæddist 21. febrúar 1791 að Skipagerði í V-Landeyjum og lést 26. maí 1866 á Kirkjulæk í Fljótshlíð.
Foreldrar hans voru Brynjólfur Guðmundsson bóndi í Skipagerði, f. 1734, d. 20. janúar 1803, og kona hans Sigríður Ögmundsdóttir húsfreyja og ljósmóðir, f. 1761, d. 21. nóvember 1839, prests Högnasonar.

Brynjólfur var með foreldrum sínum í Skipagerði 1801.
Hann var vinnumaður á Ofanleiti 1816, var bóndi á Vilborgarstöðum 1817. Hann var kominn að Seljalandi u. Eyjafjöllum 1818, að Miðskála þar kom hann frá Seljalandi 1820 og bjó þar 1835, í Efsta-Koti þar 1845.
1850 fór hann ekkill og vinnumaður að Vatnsdal og 1860 var hann húsmaður í Kirkjulækjarkoti í Fljótshlíð og þar var hann við andlát 1866.

Kona Brynjólfs var, (13. júlí 1817), Guðný Erlendsdóttir yngri, húsfreyja, f. 3. desember 1788 á Hrútafelli, d. 18. júní 1844.
Börn þeirra fæddust öll í Miðskála nema elsta barnið Guðríður, sem fæddist á Seljalandi:
1. Guðríður Brynjólfsdóttir, f. 2. ágúst 1818, d. líklega 16. mars 1869 í Dalskoti u. V.-Eyjafjöllum.
2. Pétur Brynjólfsson, f. 3. mars 1821, d. 22. nóvember 1906.
3. Sigríður Brynjólfsdóttir, f. 28. apríl 1822, d. 4. júlí 1888 í Utah.
4. Guðný Brynjólfsdóttir vinnukona, síðar húsfreyja í Kirkjulækjarkoti í Fljótshlíð, f. 21. apríl 1823. Hún var móðir Jóns Sighvatssonar kaupmanns og bókavarðar í Jómsborg.
5. Erlendur Brynjólfsson, f. 20. ágúst 1824.
6. Brynjólfur Brynjólfsson, f. 24. nóvember 1825, d. 27. maí 1866 í Eyjum.
7. Erlendur Brynjólfsson yngri, f. 2. september 1828.
8. Guðmundur Brynjólfsson, f. 25. maí 1831, d. 13. október 1893.
9. Einar Brynjólfsson, f. 5. september 1833, d. 24. febrúar 1871.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Þorgils Jónasson sagnfræðingur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---