Emil Jóhann Magnússon (kaupmaður)

Emil Jóhann Magnússon.

Emil Jóhann Magnússon skrifstofumaður, verslunarmaður, kaupmaður fæddist 25. júlí 1921 á Reyðarfirði og lést 8. febrúar 2001 á Hrafnistu í Hafnarfirði.
Foreldrar hans voru Magnús Guðmundsson verslunarmaður á Búðareyri, f. 23.apríl 1893, d. 28. mars 1972 og kona hans Rósa Sigurðardóttir húsfreyja, f. 6. nóvember 1898, d. 21. maí 1939.

Emil var með foreldrum sínum í æsku.
Hann lauk Verslunaskólanum í Reykjavík 1942.
Á yngri árum stundaðir Emil sjómennsku, m.a. í Grindavík, og í Eyjum og vann skrifstofustörf þar. Hann réðst til Kaupfélagsins á Þórshöfn 1945, stofnaði eigin verslun þar.
Emil fluttist til Grundarfjarðar 1952. Þar var hann framkvæmdastjóri hjá Sigurði Ágústssyni, stofnaði, ásamt öðrum, Verslunarfélagið Grund, keypti það síðar og rak verslun með fjölskyldu sinni þar til 1990.
Hann var einn af stofnendum Sparisjóðs Eyrarsveitar og sat í sveitarstjórn fyrir Sjálfstæðisflokkinn.
Þau Ágústa Kristín giftu sig 1942, eignuðust sjö börn, en misstu eitt þeirra á áttunda ári þess og eitt barn gáfu þau Ráðhildi og Gísla Þorsteinssyni manni hennar til ættleiðingar. Þau bjuggu í fyrstu í Stóra-Hvammi, þá á Skólavegi 1, Vöruhúsinu.
Emil Jóhann lést 2001 og Ágústa Kristín 2014.

I. Kona Emils Jóhanns, (8. ágúst 1942), var Ágústa Kristín Árnadóttir frá Stóra-Hvammi, húsfreyja, f. 6. ágúst 1921, d. 27. október 2014.
Börn þeirra:
1. Aðalheiður Rósa Emilsdóttir húsfreyja, verslunarmaður, flugfreyja, f. 25. mars 1942 í Stóra-Hvammi, d. 1. júní 2008. Fyrrum maður hennar Óskar Ásgeirsson. Maður hennar Baldvin Magnússon.
2. Árni Magnús Emilsson íþróttakennari, verslunarmaður, sveitarstjóri, framkvæmdastjóri, útibússtjóri, f. 14. apríl 1943 á Skólavegi 1. Kona hans Þórunn B. Sigurðardóttir.
4. Aagot Emilsdóttir húsfreyja, bóndi á Sámsstöðum í Fljótshlíð, f. 2. mars 1945 í Stóra-Hvammi, d. 27. júní 2012. Fyrrum maki hennar Ingþór Hallbjörn Ólafsson. Maður hennar var Guðmundur Freyr Halldórsson, látinn. Sambýlismaður Árni Þ. Sigurðsson.
5. Hrund Emilsdóttir, f. 22. febrúar 1946, d. 10. júní 1953.
6. Gísli Már Gíslason verkfræðingur, kjörbarn Ráðhildar og Gísla Þorsteinssonar, f. 8. janúar 1947 á Þórshöfn á Langanesi. Kona hans Sigrún Valbergsdóttir.
7. Ágústa Hrund Emilsdóttir húsfreyja, verslunarmaður, kaupmaður, f. 5. janúar 1948. Fyrrum sambýlismaður Gunnar Richter. Barnsfaðir Guðmundur Svavarsson. Barnsfaðir Jón Árni Hjartarson. Sambýlismaður hennar Árni Þórólfsson.
8. Emil Emilsson viðskiptafræðingur, útibússtjóri, framkvæmdastjóri hugbúnaðarfyrirtækis, f. 7. febrúar 1959. Kona hans Sigríður Erla Jónsdóttir.

---

Heimildir

• Samantekt: Víglundur Þór Þorsteinsson.
• Árni Magnús.
• Íslendingabók.is.
• Morgunblaðið 15. febrúar 2001. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---