Gísli Þórðarson (Jaðri)

Gísli Þórðarson verkamaður fæddist 5. desember 1877 að Ormskoti í Fljótshlíð og lést 7. nóvember 1943.
Foreldrar hans voru Þórður Ívarsson bóndi, f. 10. september 1832, d. 19. júní 1890, og síðari kona hans Sigríður Gunnlaugsdóttir húsfreyja, f. 4. maí 1839, d. 28. fbrúar 1908.

Börn Þórðar og Sigríðar í Eyjum voru:
1. Þorkell Þórðarson í Sandprýði, f. 7. desember 1872 í Ormskoti í Fljótshlíð, d. 14.júlí 1945.
2. Magnús Þórðarson Thorlacius kaupmaður, bóndi, verkamaður á Skansinum, f. 24. desember 1876 í Ormskoti í Fljótshlíð, d. 1. apríl 1955.
3. Gísli Þórðarson verkamaður, f. 5. desember 1877 að Ormskoti í Fljótshlíð, síðast í Görðum, d. 7. nóvember 1943.
4. Guðrún Þórðardóttir verkakona, f. 31. ágúst 1882 í Ormskoti í Fljótshlíð, d. 1. mars 1978.
Barn Þórðar og fyrri konu hans Sigríðar Nikulásdóttur, f. 8. mars 1838, d. 24. maí 1864 var
5. Ívar Þórðarson á Mið-Sámsstöðum í Fljótshlíð, bóndi, síðar í Eyjum, f. 3. september 1863, d. 10. apríl 1924.

Gísli var með fjölskyldu sinni í Ormskoti í Fljótshlíð í frumbernsku, var niðursetningur í Bjargarkoti þar 1890, vinnumaður í Miðkoti þar 1901.
Þau Guðleif giftu sig 1906, voru vinnufólk í Stóru-Mörk, eignuðust Harald 1906, Sigríði Stefaníu 1908 og Þuríði Guðlaugu 1909. Sigríður Stefanía ólst upp hjá ömmusystur sinni Sigríði Erlendsdóttur í Hamragörðum, en hin börnin voru tökubörn í Stóru-Mörk.
Þau voru í vinnumennsku í Stóru-Mörk u. V-Eyjafjöllum 1910. Börn þeirra Haraldur og Þuríður Guðlaug voru þar tökubörn, en Sigríður Stefanía var tökubarn í Hamragörðum hjá Sigríði ömmusystur sinni. Þar var hún einnig 1920, en síðar húsfreyja í Kópavogi.
Þau Guðleif fluttust frá Stóru-Mörk að Sandprýði 1911 með börnin Harald og Þuríði Guðlaugu. Í Sandprýði voru þau 1912, en 1913-1915 í Görðum. Þau bjuggu á Jaðri 1916-1917; eignuðust 4 börn í Eyjum, misstu síðasta barnið nýfætt, en Guðleif dó úr mislingum nokkrum dögum síðar.
Börnunum Haraldi og Soffíu var komið í fóstur í Múlakoti í Fljótshlíð og Þuríði Guðlaugu að Grjótá þar, Fanneyju að Miðkoti þar. Gísli var með Kristján Bello með sér á Litlu-Grund 1917, í austurbænum í Múlakoti 1920.
Hann bjó á Litla-Hrauni 1922, var ekki á skrá í Eyjum 1930, 1934 og 1940, en var í Görðum við andlát 1943.

I. Kona Gísla, (1906), var Guðleif Kristjánsdóttir húsfreyja, f. 13. október 1886, d. 22. janúar 1917.
Börn þeirra voru:
1. Haraldur Gíslason sjómaður, verkamaður, f. 24. apríl 1907, d. 24. nóvember 1989. Hann var tökubarn í Múlakoti 1920.
2. Sigríður Stefanía Gísladóttir húsfreyja í Reykjavík og Kópavogi, f. 11. apríl 1908, d. 10. mars 1995. Hún ólst upp hjá ömmusystur sinni í Hamragörðum.
3. Þuríður Guðlaug Gísladóttir, f. 19. september 1909, d. 6. ágúst 1971. Hún var tökubarn á Grjótá í Fljótshlíð 1920.
4. Kristján Belló Gíslason leigubifreiðastjóri í Reykjavík, f. 1. febrúar 1912, d. 31. maí 2005.
5. Fanney Gísladóttir verkakona, f. 16. desember 1914, d. 10. júní 2005. Hún var tökubarn í Miðkoti í Fljótshlíð 1920.
6. Soffía Gísladóttir húsfreyja í Fljótshlíð og í Hvolhreppi, f. 31. desember 1915, d. 14. september 2003. Hún var tökubarn í Múlakoti 1920.
7. Ásta Gísladóttir, f. 17. janúar, d. sama dag.

II. Barn Gísla með Önnu Jónsdóttur, frá Tjörnum u. Eyjafjöllum, f. 15. september 1883, d. 15. nóvember 1962.
Barn þeirra:
8. Sigurður Ágúst Gíslason, sjómaður, f. 1. ágúst 1923 á Tjörnum, fórst með Helga á Faxaskeri 1950.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---