„Smári P. McCarthy“: Munur á milli breytinga

'''Smári Páll McCarthy''' fæddist 7. febrúar 1984 í Reykjavík. Foreldrar hans eru Kolbrún Óskarsdóttir og Eugene McCarthy. Smári hefur búið í [[Búðarfell]]i við [[Skólavegur|Skólaveg]] og [[Faxastígur|Faxastíg]] 1.  

Smári flutti ásamt foreldrum til Englands eins árs. Þau fluttu svo til Vestmannaeyja þegar Smári var níu ára gamall og hóf nám við [[Barnaskóli Vestmannaeyja|Barnaskólann]]. Fljótlega skipti hann um skóla og fór í [[Hamarsskóli Vestmannaeyja|Hamarsskóla]]. Hann lauk grunnskólanámi frá Barnaskólanum og fór til náms í Reykjavík. Þar opnuðust honum möguleikar til að sameina vinnu og eitt helsta áhugamál sitt; tölvur. Vann hann við forritun hjá Þjóðskjalasafninu áður en hann kom aftur til Vestmannaeyja til að klára framhaldsskólanám. Smári útskrifaðist frá [[Framhaldsskólinn í Vestmannaeyjum|Framhaldsskólanum í Vestmannaeyjum]] árið 2004. Hann fékk sumarvinnu hjá [[Vestmannaeyjabær|Vestmannaeyjabæ]] og vann hjá bænum til sumarloka árið 2005. Stundar hann nú nám í stærðfræði við Háskóla Íslands.

Hjá Vestmannaeyjabæ vann hann fyrst um sinn við GPS-mælingar og alls konar tilfallandi verkefni. Ól hann með sér hugarfóstur um að koma á laggirnar menningarsöguvef um Vestmannaeyjar á Wiki-formi. Tekið var vel í þessa hugmynd hjá bænum og fyrr en varði hafði hann og [[Frosti Gíslason]] safnað styrkjum fyrir verkefnið. Vefurinn fór í fulla vinnslu í júní 2005 og fékk Smári í lið með sér hóp peyja sem að voru allir af vilja gerðir til að setja þessa hugmynd Smára í framkvæmd. Fékk vefurinn nafnið Heimaslóð og vann hópurinn í honum þetta sumar. Síðan þá hefur vefurinn verið í stöðugri þróun af öðrum starfsmönnum og íbúum Vestmannaeyja sem og brottfluttum Vestmannaeyingum.  

[[Flokkur:Fólk]]