Gylfi Gautur Pétursson

Gylfi Gautur Pétursson lögfræðingur fæddist 23. janúar 1956 og lést 17. apríl 2025.
Foreldrar hans Pétur Gautur Kristjánsson, f. 14. júlí 1934, d. 10. desember 1999, og kona hans Halla Súsanna Steingrímsdóttir, f. 3. desember 1936, d. 29. maí 2024.

Gylfi Gautur hóf skólagöngu í barnaskólanum á Siglufirði, síðan lá leiðin í barnaskóla Vestmannaeyja, Flensborgar¬skóla, Gagnfræðiskóla Keflavíkur og Menntaskólann við Hamrahlíð þar sem hann lauk stúdentsprófi vorið 1977. Gylfi lauk embættisprófi í lögfræði frá Háskóla Íslands í júní 1985. Lengst af starfaði hann sem deildarstjóri í sjávarútvegsráðuneytinu; sérsvið hans var sjóðakerfi sjávarútvegsins, heilnæmi og hollustuhættir við framleiðslu sjávarafurða. Á vegum sjávarútvegsráðuneytisins tók Gylfi þátt í erlendu samstarfi, m.a. á vegum OECD, auk þess sem hann sat í ýmsum nefndum á vegum ráðuneytisins. Gylfi var forstjóri Löggildingarstofunnar 1997-2003, starfaði síðan sem lögfræðingur hjá VÍS, Gjaldheimtunni og Sýslumanninum á höfuðborgarsvæðinu. Meðfram námi var hann til sjós, vann hjá hjá Orkustofnun og sýslumannsembættum.

Þau Sólveig hófu sambúð, eignuðust tvö börn. Þau skildu.

I. Fyrrum sambúðarkona Gylfa Gauts er Sólveig Einarsdóttir húsfreyja, hjúkrunarfræðingur, f. 6. maí 1956. Foreldrar hennar Ása Lúðvíksdóttir, f. 4. nóvember 1931, og Einar Hafsteinn Guðmundsson, f. 9. febrúar 1924, d. 21. nóvember 2010.
Börn þeirra:
1. Hildur Halla Gylfadóttir, f. 1. september 1978.
2. Ragnhildur Gylfadóttir, f. 30. október 1988.

---

Heimildir

• Samantekt: Víglundur Þór Þorsteinsson.
• Heimaslóð.
• Íslendingabók.
• Morgunblaðið. Minning.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---