Hrafn Johnsen

Hrafn Johnsen.

Hrafn Gíslason Johnsen frá Brekku við Faxastíg 4, tannlæknir fæddist 6. janúar 1938 í Reykjavík og lést 8. júní 2021.
Foreldrar hans voru Gísli Friðrik Johnsen útgerðarmaður, ljósmyndari, f. 11. janúar 1911, d. 8. október 2000, og kona hans Friðbjörg Tryggvadóttir húsfreyja, hjúkrunarfræðingur, f. 25. maí 1907, d. 2. maí 1996.

Börn Friðbjargar og Gísla Friðriks:
1. Hrafn Gíslason Johnsen tannlæknir, f. 6. janúar 1938, kvæntur Sigurrós Skarphéðinsdóttur, f. 11. júní 1941.
2. Örn Tryggvi Gíslason Johnsen, f. 30. maí 1944, d. 9. október 1960.
3. Ásdís Anna Gísladóttir Johnsen hjúkrunarfræðingur, f. 6. febrúar 1949. Fyrrum maður hennar er Björn Blöndal, f. 14. maí 1946.

Hrafn var með móður sinni í Reykjavík, var með henni á Ísafirði frá tveggja til fimm ára aldurs, síðan með foreldrum sínum í Eyjum.
Hann lauk landsprófi í Gagnfræðaskólanum 1954, varð stúdent í Menntaskólanum á Laugarvatni 1958. Hann stundaði tannlæknanám í Háskóla Íslands, var tannlæknir 1966.
Hrafn stofnaði og ritstýrði Harðjaxli, málgagni tannlæknanema á árunum 1963 til 1965.
Hann vann við tannlækningar, í Eyjum 1966, síðan í Reykjavík frá 1967, var einnig skólatannlæknir frá 1967.
Hrafn sat í stjórn Tannlæknafélagsins árin 1972 til 1974, og var gjaldkeri félagsins frá 1986 til 1988. Hann sat í stjórn Félags skólatannlækna í Reykjavík árin 1985 til 1988 og var formaður félagsins árið 1994.
Hann var fulltrúi Heilbrigðisráðs Hafnarfjarðar frá árinu 1970 til 1990 og var formaður þess árin 1982 til 1986.
Hann kom að fræðslustarfi Tannlæknafélagsins, var í námskeiðsnefnd, í ritnefnd Árbókar og fyrsti ritstjóri Tannlæknablaðsins.
Hrafn sat í aganefnd KKÍ (Körfuknattleikssambandsins) um árabil og hlaut gullmerki KKÍ fyrir störf sín í þágu körfuknattleiksmála á Íslandi.
Þau Sigurrós giftu sig 1961, eignuðust fimm börn. Þau bjuggu í Reykjavík, í Eyjum og í Hafnarfirði.
Hrafn lést 2021.

I. Kona Hrafns, (26. ágúst 1961), er Sigurrós Skarphéðinsdóttir húsfreyja, kennari, f. 11. júní 1941. Foreldrar hennar voru Skarphéðinn Gunnar Eiðsson frá Klungurbrekku á Skógarströnd, Snæf., verkamaður, frístundabóndi í Hafnarfirði, f. 28. maí 1916, d. 26. maí 1989, og kona hans Guðmunda Ólafsdóttir frá Torfastöðum í Fljótshlíð, húsfreyja, f. 10. maí 1916, d. 17. júní 1996.
Börn þeirra:
1. Örn Tryggvi Johnsen, verkfræðingur, f. 1. nóvember 1965. Kona hans Erla Kristinsdóttir viðskiptafræðingur, framkvæmdastjóri.
2. Gísli Jóhann Johnsen, f. 16. júní 1967. Fyrrum kona hans María Guðmundsdóttir Gígja. Sambúðarkona hans Bryndís Ósk Björnsdóttir.
3. Drengur, f. 15. apríl 1968, d. 15. apríl 1968.
4. Smári Johnsen, f. 30. maí 1976. Kona hans Ingunn Stav.
5. Hlynur Johnsen, f. 30. maí 1976. Kona hans Eva Huld Friðriksdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 22. júní 2021. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---