Auður Steingrímsdóttir

Auður Steingrímsdóttir.

Auður Steingrímsdóttir sjúkraliði, húsfreyja fæddist 19. september 1956 í Reykjavík.
Foreldrar hennar voru Steingrímur Elíasson frá Oddhóli á Rangárvöllum sjómaður, f. 7. maí 1920, d. 5. maí 1996, og kona hans Hulda Bogadóttir Thorarensen frá Vestri-Kirkjubæ á Rangárvöllum, húsfreyja, f. 11. desember 1922, d. 16. desember 2005.

Föðurbróðir Auðar var Bjarnhéðinn Elíasson sjómaður, skipstjóri, f. 27. ágúst 1921, d. 8. október 1992.

Auður lauk sjúkraliðaprófi á Landakotsspítala 1976.
Hún var sjúkraliði á Landakoti 1976-1977, á Grensásdeild 1981-1982, á Sjúkrahúsinu í Eyjum 1983-1992 og á Landakoti frá 1992-1998, á Landspítalanum 1998-2010.
Þau Aðalsteinn giftu sig, eignuðust þrjú börn.

I. Maður Auðar, (25. maí 1984), er Aðalsteinn Jakobsson sjómaður, f. 30. desember 1944.
Börn þeirra:
1. Eggert Þór Aðalsteinsson sagnfræðingur, bankastarfsmaður, f. 5. mars 1976 í Reykjavík. Fyrrum kona hans Erla Hlín Helgadóttir. Sambúðarkona hans Jóhanna Magnúsdóttir.
2. Steingrímur Aðalsteinsson flugmaður, f. 23. september 1977 í Reykjavík. Kona hans Gyða Bergs.
3. Anton Aðalsteinsson smiður, f. 21. nóvember 1986 í Eyjum. Sambúðarkona hans Eva Georgs og Ásudóttir.

---

Heimildir

• Samantekt: Víglundur Þór Þorsteinsson.
• Aðalsteinn og Auður.
• Íslendingabók.
• Sjúkraliðar á Íslandi 1966-1996. Ritstjóri: Sigurður Hermundarson. Mál og mynd 1997.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---