Haraldur Traustason (skipstjóri)

Haraldur Traustason.

Haraldur Traustason skipstjóri, útgerðarmaður fæddist 22. nóvember 1939 í Garðshorni við Heimagötu og lést 13. júní 1993.
Foreldrar hans voru Trausti Jónsson frá Mörk við Hásteinsveg, verslunarmaður, bifreiðastjóri, útgerðarmaður, kirkjugarðsvörður, f. 11. janúar 1917, d. 2. janúar 1994, og kona hans Ágústa Haraldsdóttir frá Garðshorni, húsfreyja, f. 14. ágúst 1919, d. 27. desember 1989.

Börn Ágústu og Trausta:
1. Haraldur Traustason skipstjóri, útgerðarmaður, f. 22. nóvember 1939 í Garðshorni, d. 13. júní 1993. Kona hans er Edda Tegeder.
2. Jón Steinar Traustason, f. 3. desember 1941 á Hásteinsvegi 9, d. 24. febrúar 2018, ókv., barnlaus.
3. Ágústa Traustadóttir húsfreyja, f. 12. febrúar 1943 á Hásteinsvegi 9. Maður hennar Guðmundur Birnir Sigurgeirson.
4. Brynja Traustadóttir húsfreyja, f. 27. ágúst 1944 á Hásteinsvegi 9. Maður hennar, (skildu), Sigurður Hafsteinsson.
5. Óli Ísfeld Traustason, f. 6. október 1945 á Hásteinsvegi 9. Hann býr í Bandaríkjunum. Kona hans Bonnie Harvey.
6. Steinunn Traustadóttir húsfreyja, f. 14. desember 1948 á Hásteinsvegi 9. Fyrrum maður hennar Skarphéðinn H. Einarsson.
7. Ásta Traustadóttir húsfreyja, f. 26. október 1950 á Hásteinsvegi 9. Maður hennar Sigurður Stefánsson.
8. Trausti Ágúst Traustason, f. 19. mars 1952 á Sjúkrahúsinu, d. 31. október 1969.

Haraldur stundaði sjómennsku frá fimmtán ára aldri, var háseti, vélstjóri, skipstjóri. Hann átti í útgerð frá um 1968 og stjórnaði bátum sínum, Sjöstjörnunni og Ágústu Haraldsdóttur.
Þau Edda giftu sig 1960, eignuðust fjögur börn. Þau bjuggu í fyrstu á Hásteinsvegi 9, en lengst í Hrauntúni 35.
Haraldur lést 1993.
Edda bjó á Helgafellsbraut 1, en býr nú á Eyjahrauni 7.

I. Kona Haraldar, (23. janúar 1960), er Edda Tegeder frá Háeyri, húsfreyja, f. 7. apríl 1939 í Þýskalandi.
Börn þeirra:
1. Þóranna Haraldsdóttir húsfreyja, starfsmaður við heimilishjálp, f. 30. janúar 1958, d. 15. desember 2019. Sambýlismaður hennar var Óskar Einarsson.
2. Hermann Haraldsson skipatæknifræðingur, f. 17. desember 1959. Kona hans er Brynhildur Jakobsdóttir.
3. Jón Trausti Haraldsson vélvirkjameistari í Reykjavík, f. 16. 4. febrúar 1961, d. 31. mars 2010. Sambýliskona hans, skildu, er Valborg Elín Kjartansdóttir.
5. Haraldur Haraldsson, sjómaður, vélstjóri, f. 17. apríl 1962. Sambýliskona hans er Sæunn Helena Guðmundsdóttir.

---

Heimildir

• Samantekt: Víglundur Þór Þorsteinsson.
• Edda Tegeder.
• Íslendingabók.is.
• Manntöl.
• Morgunblaðið 20. júní 1993. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---