Sigrún Karólína Sæmundsdóttir (Draumbæ)

Sigrún Karólína Sæmundsdóttir frá Draumbæ, húsfreyja fæddist 18. apríl 1902 og lést 10. apríl 1989.
Foreldrar hennar voru Sæmundur Ingimundarson bóndi í Draumbæ, f. 1. september 1870 í Eyjum, d. 28. október 1942 og kona hans Sigríður Guðrún Eyjólfsdóttir húsfreyja, f. 8. nóvember 1879 í Brautarholtssókn í Kjósarsýslu, d. 28. apríl 1950.

Börn Sæmundar og Sigríðar voru:
1. Sigrún Karólína Sæmundsdóttir, f. 18. apríl 1902, d. 10. apríl 1989.
2. Kristmundur Sæmundsson, f. 1. nóvember 1903, d. 21. ágúst 1981.
3. Rósa Sæmundsdóttir, f. 26. september 1907, d. 25. október 1984.
4. Katrín Sæmundsdóttir, f. 15. desember 1910, d. 30. september 1929.
5. Andvana drengur, f. 28. ágúst 1912.
6. Ásta Þórhildur Sæmundsdóttir, f. 27. janúar 1918, d. 4. janúar 1996.
7. Laufey Hulda Sæmundsdóttir, f. 29. október 1920, d. 15. september 2002.

Sigrún var með foreldrum sínum í Draumbæ í æsku.
Hún kom að Skoruvík á Langanesi 1926, var bústýra hjá Helga. Þau giftu sig 1928, eignuðust tvö börn.
Þau bjuggu í Skoruvík, á Raufarhöfn og síðast í Hafnarfirði.
Helgi lést 1980 og Sigrún 1989.

I. Maður Sigrúnar, (5. maí 1928), var Helgi Valtýr Kristjánsson sjómaður, síðar verkamaður í Hafnarfirði, f. 15. mars 1904 í Skoruvík, d. 4. janúar 1980. Foreldrar hans voru Kristján Þorláksson bóndi og vitavörður, bátasmiður, síðast á Þórshöfn, f. 14. nóvember 1872, d. 18. mars 1961, og kona hans Kristbjörg María Helgadóttir húsfreyja, f. 22. júlí 1875, d. 14. mars 1947.
Börn þeirra:
1. Kristján Helgason loftskeytamaður, f. 14. júní 1927 í Skoruvík, d. 10. september 2005 á Borgarspítalanum. Kona hans Kristín Ólafsdóttir.
2. Karólína Helgadóttir húsfreyja, f. 14. maí 1931, d. 23. nóvember 1979. Maður hennar Úlfur Markússon bifreiðastjóri, formaður Frama.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Morgunblaðið 26. september 2005. Minning Kristjáns Helgasonar
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---