Gísli Eggertsson (Götu)

Gísli Eggertsson frá Götu.

Gísli Eggertsson frá Götu fæddist 4. ágúst 1882 og lést 10. september 1961 í Salt Lake City í Utah.
Foreldrar hans voru Eggert Guðmundur Ólafsson sjómaður í Götu, síðar járnbrautarstarfsmaður og bóndi í Utah, f. 1. nóvember 1855, d. 2. desember 1918, og fyrri kona hans Guðrún Árnadóttir húsfreyja í Götu, f. 26. ágúst 1854, d. 24. ágúst 1882.

Gísli missti móður sína árið, sem hann fæddist.
Hann fluttist til Vesturheims með föður sínum 1887. Þar tók hann trú mormóna. Hann nefndi sig Gill Olson, en ættarnafnið hafði faðir hans tekið sér.
Gísli bjó í Fourth Ward í Salt Lake City í Utah.

Kona Gísla, (7. desember 1904), var Emma Wilhelmina fædd Hansen 17. mars 1884 í Vissenbjerg í Odense í Danmörku, d. 11. september 1966 í Salt Lake City. Foreldrar hennar voru Anders Hansen, f. 27. júní 1830 í Odense í Danmörku, d. 28. mars 1912, og kona hans Maren Rasmussen húsfreyja, f. 18. nóvember 1851 í Odense, d. 23. maí 1933 í Utah.
Börn þeirra:
1. Eugene Robert, f. 12. ágúst 1915 í Utah, d. 31. janúar 1978 í San Bernandino í Kaliforníu. Fyrrum kona hans Jennie Wolf Hansen Belka. Fyrrum kona Claire Labelle Whalin Norris. Fyrrum kona hans Dorothy Ilene Dale. Kona hans Annelie Van Royen.
2. Wallace Miller, f. 4. júlí 1921 í Utah, d. 15. febrúar 1982 í Salt Lake City. Kona hans Dorothy Jean Sheets.

---

Heimildir

• Samantekt: Víglundur Þór Þorsteinsson.
• Magnús Haraldsson.
• Prestþjónustubækur.
• Utah Icelandic Settlement, vefrit.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---