Guðrún Árnadóttir (Götu)
Guðrún Árnadóttir húsfreyja í Götu fæddist 26. ágúst 1854 og lést 24. ágúst 1882.
Foreldrar hennar voru Árni Gíslason bóndi og sýslumaður á Kirkjubæjarklaustri, f. 14. september 1820, d. 26. júní 1898, og Þuríður Guðmundsdóttir, síðar húsfreyja á Rauðafelli u. Eyjafjöllum, f. 27. júlí 1834, d. 21. nóvember 1893.
Guðrún var með móður sinni fyrsta árið á Stóru-Heiði í Mýrdal og fór þá með henni að Drangshlíð u. Eyjafjöllum. Þar var hún tökubarn 1860.
Guðrún var vinnukona á Rauðafelli þar 1870.
Hún var bústýra hjá Sigurði Sveinssyni í Nýborg til ársins 1881. Hún ól honum barn í Steinasókn 1875, fluttist með honum til Eyja 1876. Þar ól hún eitt barn með honum, en missti það nokkurra daga gamalt.
Guðrún lést í Götu 1882 úr lungnabólgu, 28 ára gömul.
I. Barnsfaðir hennar að tveim börnum var Sigurði Sveinssyni smiður og athafnamaður í Nýborg.
Börnin voru:
1. Árni Sigurður Gísli Sigurðsson, f. 21. apríl 1875, d. í Kaupmannahöfn á fyrsta áratug 20. aldar.
2. Þorvaldur Elías Vilhjálmur Sigurðsson, f. 16. desember 1877 í Nýborg, d. 24. desember 1877 „úr almennri barnaveiki“.
II. Maður Guðrúnar, (29. maí 1882), var Eggert Guðmundur Ólafsson húsmaður og sjómaður í Götu, síðar í Vesturheimi, f. 1. nóvember 1855, d. 2. desember 1918. Guðrún var fyrri kona hans.
Barn þeirra var
3. Gísli Eggertsson, f. 4. ágúst 1882. Hann fór frá Götu með föður sínum til Vesturheims 1887.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Utah Icelandic Settlement.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.