Sigríður Bjarnadóttir (Bergstöðum)

Sigríður Bjarnadóttir húsfreyja á Bergstöðum fæddist 3. september 1883 á Hraunbæ í Álftaveri, V-Skaft. og lést 16. júlí 1970 í Reykjavík.
Foreldrar hennar voru Bjarni Þorsteinsson húsmaður í Hraunbæ, f. 26. september 1845 á Hvoli í Mýrdal, d. 20. maí 1887 á Feðgum (Staðarholti) í Meðallandi, og kona hans Margrét Bárðardóttir húskona, vinnukona, f. 28. maí 1844 í Hemru í Skaftártungu, d. 28. desember 1904 í Vík í Mýrdal.

Systir Sigríðar í Eyjum var
1. Guðrún Bjarnadóttir vinnukona, bústýra í Túni , f. 24. september 1876 í Holti í Álftaveri, d. 13. febrúar 1964 í Reykjavík. Barnsfaðir hennar að tveim börnum var Kristján Magnússon sjómaður í Túni og á Bergstöðum, f. 26. mars 1884, d. 9. maí 1921.

Sigríður var með foreldrum sínum í Hraunbæ til 1885, var tökubarn á Þykkvabæjarklaustri 1885-1894, var með móður sinni á Ketilsstöðum í Mýrdal 1895-1896, í Skammadal þar 1896-1897, á Strönd í Meðallandi 1897-1899, í Efri-Ey þar 1899-1900, á Eystri-Sólheimum í Mýrdal 1900-1903.
Hún var í Reykjavík 1903-1909.
Sigríður fluttist til Eyja 1909.
Þau Jón giftu sig 1910, eignuðust þrjú börn. Þau bjuggu á Bergstöðum til 1940, en fluttu þá til Reykjavíkur.
Sigríður lést 1970 og Jón 1972.

I. Maður Sigríðar, (15. september 1910 í Reykjavík), var Jón Hafliðason útgerðarmaður, skipstjóri, verkamaður, f. 2. febrúar 1887 í Fjósum í Mýrdal, d. 13. júlí 1972.
Börn þeirra:
1. Stefán Matthías Þorsteinn Jónsson sjómaður, verslunarmaður, síðast á Seltjarnarnesi, f. 22. febrúar 1911 á Bergstöðum, d. 11. apríl 1974.
2. Margrét Guðbjörg Jónsdóttir, f. 9. febrúar 1913 á Bergstöðum, d. 1. febrúar 1981.
3. Borgþór Hafsteinn Jónsson veðurfræðingur, f. 9. apríl 1924 á Bergstöðum, d. 12. nóvember 2002.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---