Sjómannadagsblað Vestmannaeyja 2008/Sjómannadagurinn 2007

Sjómannadagurinn 2007

Frá hátíðarhöldum sjómannadagsins á Stakkagerðistúni.

Koddaslagurinn er alltaf vinsæll.

Eins og undanfarin ár var mikið um að vera þessa sjómannadagshelgi. Fimmtudaginn 31. mai var opnuð afmælismyndlistarsýning, Viðars Breiðfjörð, í Akóges. Var hún opin alla helgina. Daginn eftir, föstudaginn 1. júní, var sjómanna- golf, knattspyrnumót áhafna, tónleikar í Betel með Glenn Kaiser Band, Jack London sá um upphitun. Þá var líka söngvakvöld Árna Johnsens og félaga í Akóges. Dagskráin í Friðarhöfn, laugardaginn 2. júní, hófst með blessunarorðum sr. Guðmundar Arnar Jónssonar. Síðan var kappróður, koddaslagur, kara- lokakapphlaup og vinsæl sigling á sæþotum fyrir krakka. í kappróðri áhafna sigraði áhöfnin á Vestmannaey, S.s. Verðandi sigraði í félagakeppninni, í strákaróðrinum sigruðu Mömmustrákar og stelpurnar í Vinnslustöðinni sigruðu í stöðvakeppni kvenna.

Lúðrasveit verkalýðsins og Lúðrasveit Vestmannaeyja léku vel og lengi eins og best varð

á kosið. í skákkeppninni sigruðu landkrabbar sjó-menn. Á laugardagskvöldinu var sjómannadagsballið í Höllinni. Þar var vönduð dagskrá og frábær matur frá Grími kokki og hans fólki. Um 430 manns mættu í borðhaldið. Jóhannes Kristjánsson, eftirherma og Bjarni, töframaður, skemmtu fólki, KK, tónlistarmaður, gerði lukku, sérstaklega þegar hann naut aðstoðar Bedda á Glófaxa, Bergvins Oddssonar, sem söng nokkur lög með þeim við góðar undirtektir. Þarna komu líka fram hljómsveitimar Obbosi ásamt brasssveit, Tríkot og Lúdró. Árni Johnsen stjórnaði fjöldasöng og hljómsveitin Daltón lék fyrir dansi langt fram eftir nóttu. Veislustjóri var Jarl Sigurgeirsson. Klukkan 10 á sunnudagsmorguninn voru fánar dregnir að húni og kl. 1300 var sjómannadagsmess- an í Landakirkju. Prestur var séra Guðmundur Örn Jónsson og organisti Guðmundur Guðjónsson. Eftir messuna var minningarathöfn við minnisvarðann á kirkjulóðinn sem Snorri Óskarsson annaðist að venju. Lúðrasveitin lék og hjónin Guðný Fríða Einarsdóttir og Sigurður Georgsson lögðu blóm- sveig að fótstalli minnisvarðans. Á Stakkagerðistúnið var safhast saman klukkan 1500.

Heiðranir á Sjómannadegi 2007: F.v.: Sævald Pálsson, Elías Björnsson, Arnar Sighvatsson, Brynjúlfur Jónatansson, Sigrún Stefánsdóttir og dóttir hennar Rebekka Rut Steingrímsdóttir, tóku við viðurkenningu föður síns og afa, Stefáns Sigurjónssonar. Og Snorri Óskarsson að vanda á sínum stað.

Áhöfnin á Vestmannaey varð sigurvegari í kappróðri áhafna. F.v. Kristinn Valgeirsson, Sigurður Konráðsson, Eyþór Þórðarson, Birgir Þór Sverrisson og Leó Sveinsson. Börn f.v.: Kristleifur Kristleifsson, Patrekur E Jónsson, Sigdór Kristinsson og Guðlaugur Gísli Guðmundsson.

Árleg kaffisala Slysavarnadeildarinnar Eykyndils var í Alþýðuhúsinu. Lúðrasveit Vestmannaeyja og Lúðrasveit verkalýðsins léku. Hátíðarræðuna hélt Páley Borgþórsdóttir, formaður bæjarráðs. Snorri Óskarsson sá um heiðranir og verðlaunaveitingar. Ungar stúlkur úr Fimleika- félaginu Rán sýndu listir sínar og Tríkot hélt tón- leika. Þarna var líka frábær bamadagskrá. Sjómannafélagið Jötunn heiðraði Elías Björnsson, S. s. Verðandi, Vélstjórafélag Vestmannaeyja Arnar Sighvatsson og sjómannadagsráð heiðraði þá Brynjúlf Jónatansson rafeindavirkja, aðalviðgerðarmann siglinga - og fiskileitartækja til fjölda ára og Stefán Sigurjónsson stjómanda Lúðrarsveitar Vestmannaeyja. Um kvöldið voru hátíðarkvöldverður í Höllinni og risatónleikar sem hljómsveitin Dúndurfréttir annaðist. Allir viðburðir sjómannadagshelgarinnar voru sjómannadagsráði, þátttakendum í íþróttum og viðburðum hvers konar til sóma. Virkilega er þarna margt um að vera sem gleður bæjarbúa. Sjómannadagar undanfarinna ára hafa verið með miklum glæsibrag og þeir hafa glatt bæjarbúa á öllum aldri. Bestu þakkir til þeirra sem lengi hafa staðið í eldlínunni. Friðrik Ásmundsson

Áhöfn Hugins sigurvegari í knattspyrnukeppninni. Aftari röð f.v.: Sigurbjörn Óskarsson, Haraldur Pálsson, Sigurbjörn Árnason, Páll Grétarsson, Gylfi Viðar Guðmundsson, Kolbeinn Agnarsson. Fremri röð f.v.: John S. Berry Guðjón Helgason, Gunnar Oddsteinsson, Ómar Steinsson og Eysteinn Gunnarsson. Börn f.v.: Birgitta Óskarsdóttir, Sóldís Eva Gylfadóttir, Selma Rut Sigurbjörnsdóttir, Katrín Ósk Magnúsdóttir, Grétar Þór Sindrason, Guðlaugur Gísli Guðmundsson, Róbert Eysteinsson, Páll Ívarsson.

Sjómannadagsráð til margra undanfarinna ára. F.v.: Stefán Birgisson, formaður, Sigurður Sveinsson, Magnús Örn Guðmundsson, Valmundur Valmundarson, Grettir Ingi Guðmundsson, Óttar Gunnlaugsson, Guðjón Gunnsteinsson, Leó Sveinsson og Sigurður Konráðsson.

• Efnisyfirlit: Sjómannadagsblað Vestmannaeyja