„Ásbjörn Jónsson (Dölum)“: Munur á milli breytinga
(Ný síða: '''Ásbjörn Jónsson''' frá Dölum, síðar bóndi á Syðri-Fljótum í Meðallandi fæddist 6. mars 1871 í Dölum og lést 15. nóvember 1922.<br> Foreldrar hans voru...) |
m (Verndaði „Ásbjörn Jónsson (Dölum)“ ([edit=sysop] (ótiltekinn))) |
(Enginn munur)
| |
Núverandi breyting frá og með 22. mars 2016 kl. 20:39
Ásbjörn Jónsson frá Dölum, síðar bóndi á Syðri-Fljótum í Meðallandi fæddist 6. mars 1871 í Dölum og lést 15. nóvember 1922.
Foreldrar hans voru Jón Jónsson húsmaður í Dölum, f. 29. september 1837 á Kvíabóli í Mýrdal, drukknaði 13. mars 1874, er Gaukur fórst við Klettsnef, og kona hans Ólöf Ólafsdóttir húsfreyja, f. 1838, d. 23. janúar 1920.
Ásbjörn var með foreldrum sínum í Dölum fyrstu ár sín.
Hann missti föður sinn þriggja ára, var með móður sinni í Dölum uns hún fluttist með hann og Jóhönnu í V-Skaftafellssýslu.
Hann var ómagi í Bakkakoti í Meðallandi 1878-1881 og aftur 1882-um 1886.
Ásbjörn var vinnumaður á Feðgum (Staðarholti) þar 1886-1894, í Langholti þar 1894-1896, líklega húsmaður á Syðri-Fljótum þar 1896-1901, síðan bóndi þar til dd. 1922.
Kona Ásbjarnar, (28. júlí 1895), var Sigríður Sveinsdóttir húsfreyja, f. 23. október 1871 á Slýjum, d. 2. ágúst 1952 á Syðri-Fljótum. Barna er ekki getið.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.