Unnur Tómasdóttir (kennari)
Unnur Tómasdóttir hústjórnarkennari fæddist 29. mars 1943 í Reykjavík.
Faðir Unnar var Tómas stýrimaður í Reykjavík, f. 22. ágúst 1907, d. 16. nóvember 1964, Jochumsson skipstjóra þar, f. 26. janúar 1876, drukknaði í október 1915, Þórðarsonar bónda og hreppstjóra frá Móum á Kjalarnesi, f. 26. júlí 1839, d. 22. september 1906, Runólfssonar bónda í Saurbæ á Kjalarnesi Þórðarsonar og konu Runólfs, Halldóru Ólafsdóttur húsfreyju og ljósmóður.
Móðir Jochums og fyrri kona Þórðar frá Móum var Ástríður húsfreyja (systir þjóðskáldsins), f. 25. ágúst 1851, d. 3. maí 1887, Jochumsdóttir bónda í Skógum í Þorskafirði, f. 26. september 1806, d. 4. júlí 1889, Magnússonar og konu Jochums, Þóru húsfreyju í Skógum Einarsdóttur í Skáleyjum Ólafssonar.
Móðir Tómasar stýrimanns og kona Jochums Þórðarsonar var Diljá húsfreyja í Reykjavík, f. 24. ágúst 1881, d. 2. janúar 1969, Tómasdóttir Klog bónda í Arnarholti á Kjalarnesi, f. 13. febrúar 1851, d. 25. nóvember 1932, Magnússonar, og konu Tómasar Klog, Guðrúnar húsfreyju frá Arnarholti, f. 16. maí 1851, d. 4. október 1916 Þórólfsdóttur Þorlákssonar og konu hans Málhildar Magnúsdóttur.
Móðir Unnar og kona Tómasar Jochumssonar var Ólöf Kristjana Gunnarsdóttir húsfreyja, f. 18. júlí 1911, d. 16. maí 2006, bónda í Marteinstungu í Holtum, Rang., f. 3. mars 1876, d. 24. nóvember 1961, Einarssonar bónda í Götu og Köldukinn í Holtum, f. 25. september 1827, d. 9. september 1903, Þorsteinssonar, og seinni konu Einars í Götu, Guðrúnar húsfreyju í Götu, f. 22. ágúst 1834, d. 2. september 1908, Ásbjörnsdóttur bónda í Tungu í Gaulverjabæjarhreppi, Þorsteinssonar.
Móðir Ólafar Kristjönu Gunnarsdóttur og kona, (17. desember 1910), Gunnars í Marteinstungu var Guðrún húsfreyja, f. 11. desember 1889 í Marteinstungu, d. 26. janúar 1983, Kristjánsdóttir bónda í Marteinstungu, f. 13. október 1845 í Litlu-Tungu, d. 21. nóvember 1919 í Marteinstungu, Jónssonar, og konu Kristjáns, (14. júní 1878), Ólafar húsfreyju, f. 5. desember 1852, d. 31. október 1909, Sigurðardóttur bónda á Barkarstöðum í Fljótshlíð, Ísleifssonar og konu Sigurðar, Ingibjargar Sæmundsdóttur Ögmundssonar (af Ásgarðsætt í Grímsnesi).
Unnur lauk húsmæðrakennaraprófi 1963.
Hún var kennari við Gagnfræðaskólann og grunnskólann frá 1963, alls í 40 ár.
Unnur var varabæjarfulltrúi og formaður menningarnmálanefndar nokkur kjörtímabil.
Maður Unnar, (11. september 1965), er Helgi Jón Magnússon trésmíðameistari frá Heiði, f. 22. febrúar 1934.
Börn Unnar og Helga:
1. Ólöf húsfreyja í Eyjum, f. 30. nóvember 1965. Maki: Kristján L. Möller sjómaður.
2. Tómas tæknifræðingur, f. 13. janúar 1972. Hann býr í Hollandi, kvæntur þarlendri konu, Jenny Helgason.
3. Kristinn rekstrarfræðingur í Kópavogi, f. 13. apríl 1975. Maki: Þórhildur Rún Guðmundsdóttir.
Heimildir
- Samantekt: Víglundur Þór Þorsteinsson.
- Holtamannabók I – Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
- Íslendingabók.is.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Manntöl.
- Unnur Tómasdóttir.
Þessi grein tilheyrir Æviskrám Eyjafólks eftir Víglund Þór Þorsteinsson.