Sigurður Sigurðsson (Lögbergi)

Úr Heimaslóð, Sögusetri Vestmannaeyja
Fara í flakk Fara í leit

Sjá aðgreiningarsíðuna fyrir aðra sem hafa borið nafnið „Sigurður Sigurðsson


Sigurður Sigurðsson
Dætur Sigurðar og Sigríðar
Systkinin frá Lögbergi Ve: Jón Baldur og Fr.v. Hrefna, Svala og Ásta Sigurðarbörn Sigurðssonar og Sigríðar

Sigurður Sigurðsson fæddist 27. júlí 1883 og lést 25. janúar 1961.

Sigurður ólst upp í Fljótshlíð en byggði húsið Lögberg í Vestmannaeyjum árið 1912. Þar hóf hann búskap með Sigríði Jónsdóttur frá Seljalandi u. V-Eyjafjöllum. Hún lést árið 1923 frá sex börnum þeirra.

Sigurður var vélstjóri á vélbát sem hann var átti ásamt Vigfúsi Jónssyni frá Holti. Þann bát misstu þeir árið 1928. Eftir það starfaði Sigurður við smíðar en hann hafði lært trésmíði á yngri árum.

Sigurður lenti í fjárhagsörðugleikum rétt fyrir seinni heimsstyrjöldina og varð að láta hús sitt, Lögberg. Hann festi því kaup á húsinu Vallarnesi við Heimagötu, byggði við það og bjó þar það sem eftir var.

Börn Sigríðar og Sigurðar:
1. Hrefna Sigurðardóttir, f. 1. nóvember 1906, d. 10. maí 2006.
2. Ásta Sigurðardóttir, f. 9. júní 1910, d. 24. apríl 2001.
3. Svala Sigurðardóttir, f. 14. október 1911 á Lögbergi, d. 13. febrúar 2000.
4. Jón Baldur Sigurðsson, f. 27. desember 1913 á Lögbergi, d. 27. apríl 2002.
5. Eva Sigurðardóttir, f. 19. mars 1915, d. 2. febrúar 1975.
6. Unnur Sigurðardóttir, f. 15. mars 1916 á Lögbergi, d. 13. maí 2015.

Myndir


Heimildir

  • Sjómannadagsblað Vestmannaeyja. 1961.