Regína Stefánsdóttir (Einarshöfn)

Úr Heimaslóð, Sögusetri Vestmannaeyja
Fara í flakk Fara í leit
Guðný Regína Stefánsdóttir.

Guðný Regína Stefánsdóttir verkakona fæddist 5. desember 1905 á Norðfirði og lést 24. júlí 1986.
Foreldrar hennar voru Stefán Bjarnason bóndi og sjómaður í Seldal og á Grund í Norðfirði, f. 9. janúar 1853, d. 3. febrúar 1915, og kona hans Guðbjörg Matthíasdóttir húsfreyja, f. 11. nóvember 1865, d. 11. janúar 1947.

Regína var með foreldrum sínum á Grund í Norðfirði 1910, var á Helgustöðum í Reyðarfirði 1920.
Hún fluttist frá Norðfirði til Eyja 1924, var lausakona (þ.e. án fastrar ráðningar til vinnu) í Einarshöfn 1925, á Heiðarhól 1930, á Ingólfshvoli 1931 og í Varmadal 1934.
Hún var í Langa-Hvammi við fæðingu Laufeyjar 1937.
Regína fluttist úr Eyjum til Stokkseyrar um 1938, bjó þar í Pálsbæ og Baldursheimi, en bjó að síðustu í Reykjavík.
Hún lést 1986.

I. Barnsfaðir Regínu að tveim börnum var Páll Þórðarson frá Klöpp á Stokkseyri, verkamaður í Varmadal, síðar kyndari á Akureyri, f. 3. október 1903, d. 19. maí 1992.
Börn þeirra voru:
1. Guðjón Högni Pálsson sjómaður, farmaður, hermaður, verslunarmaður, f. 13. desember 1925 í Einarshöfn, d. 15. nóvember 2001.
2. Páll Hörður Pálsson skipstjóri, f. 17. janúar 1931 á Ingólfshvoli, d. 7. maí 1990.

II. Maður Regínu var Steindór Guðmundsson frá Tjarnarkoti á Stokkseyri, verkamaður, bifreiðastjóri, sjómaður í Baldursheimi og á Hólmi á Stokkseyri, f. 11. nóvember 1904, d. 29. júní 1959. Foreldrar hans voru Guðmundur Vigfússon sjómaður, sláttumaður í Tjarnarkoti, f. 1. júlí 1866, d. 4. júní 1944, og kona hans Jóhanna María Guðmundsdóttir húsfreyja, f. 22. ágúst 1879, d. 25. janúar 1962.
Börn þeirra:
3. Laufey Steindórsdóttir húsfreyja, verslunarmaður á Selfossi, f. 24. nóvember 1937 í Langa-Hvammi í Eyjum, skírð á Stokkseyri 18. september 1938, d. 13. desember 2001.
4. Bára Steindórsdóttir húsfreyja, verslunarmaður á Selfossi, f. 7. desember 1938, d. 6. júní 2006.
5. Einar Sigurður Steindórsson fiskali, f. 1. desember 1943.

Myndir

Regína og Guðjón Högni Pálsson. Regína og Guðjón Högni Pálsson. Guðjón Högni Pálsson og faðir hans Páll Þórðarson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.