Rannveig Óladóttir (kennari)
Rannveig Óladóttir kennari, skólastjóri fæddist 26. janúar 1951 í Villingaholtsskóla.
Foreldrar hennar Óli Kristján Guðbrandsson kennari, f. 5. apríl 1899, d. 27. júlí 1970, og kona hans Aðalbjörg Guðmundsdóttir húsfreyja, f. 25. nóvember 1908, d. 1. mars 1999.
Bróðir Rannveigar er Vésteinn Ólason prófessor.
Rannveig lauk landsprófi í Alþýðuskólanum á Eiðum 1967, varð stúdent í M.L. 1971, lauk kennaraprófi 1977, stundaði nám í náms- og starfsráðgjöf 1994-1995.
Hún var stundakennari í Barnaskólanum í Eyjum 1971-1972, skólastjóri Grunnskólans í Villingaholtshreppi, Árn. 1977-1984, kennari í Barnaskólanum á Selfossi frá 1984-1991, Barnaskólann á Stokkseyri 1991-1994. Hún var síðan náms- og starfsráðgjafi í Valhúsaskóla á Seltjarnarnesi 1995 til 2016.
Hún varð varabæjarfulltrúi á Selfossi 1986, sat í skólanefnd Fjölbrautarskóla Suðurlands frá 1986. Hún sá um útgáfu (ábm.) á Emblu, blaði Kvennalistans á Selfossi 1986 og blaði Kvennalistans á Suðurlandi 1987.
Þau Rúnar Ármann giftu sig 1976, eignuðust þrjú börn.
I. Maður Rannveigar, (31. desember 1976), er Rúnar Ármann Arthúrsson kennari, blaðamaður, f. 19. nóvember 1947.
Börn þeirra:
1. Óli Kristján Ármannsson blaðamaður, almannatengill, f. 27. maí 1971. Fyrrum kona hans Ester Þorsteinsdóttir. Kona hans Guðfinna Gunnarsdóttir.
2. Brynja Ármannsdóttir læknir, f. 1. apríl 1978. Maður hennar Agnar Bjarnason.
3. Sveinn Eiríkur Ármannsson rafmagnsverkfræðingur, f. 22. desember 1983. Kona hans Björk Ellertsdóttir.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Rannveig.
Þessi grein tilheyrir Æviskrám Eyjafólks eftir Víglund Þór Þorsteinsson.