Kristján Vilmundarson (Eyjarhólum)

Úr Heimaslóð, Sögusetri Vestmannaeyja
Fara í flakk Fara í leit
Kristján Vilmundarson.

Kristján Vilmundarson frá Eyjarhólum við Hásteinsveg 20, bifreiðastjóri fæddist 9. júní 1930 á Hvoli við Heimagötu 12a og lést 1. janúar 2016 á Landspítalanum.
Foreldrar hans voru Vilmundur Bernharð Kristjánsson frá Stóru-Brekku í Fljótum í Skagafirði, sjómaður, vélstjóri, bóndi, f. 6. mars 1901 á Einarsstöðum í Kræklingahlíð í Eyjafirði, d. 6. júní 1964 í Hafnarfirði, og kona hans Ingigerður Guðnadóttir frá Sauðagerði í Stokkseyrarsókn, húsfreyja, f. þar 6. janúar 1901, d. 31. desember 1988 á Borgarspítalanum.

Börn Ingigerðar og Vilmundar:
1. Guðni Vilmundarson starfsmaður hjá Íslenska álfélaginu í Straumsvík, f. 16. desember 1926 í Ráðagerði. Kona hans Svava Gísladóttir.
2. Kristján Vilmundarson bifreiðastjóri í Reykjavík, f. 9. júní 1930 á Hvoli. Kona hans Erla Skagfjörð Jósefsdóttir.
3. Ásta Guðríður Vilmundardóttir húsfreyja í Hafnarfirði, f. 25. júlí 1931 á Eyjarhólum, d. 14. september 2006 á Landspítalanum. Maður hennar Guðmundur Guðmundsson, látinn.
4. Bernharð Guðjón Vilmundarson hjólbarðaviðgerðarmaður í Hafnarfirði, f. 23. september 1936 á Eyjarhólum, d. 21. nóvember 1978. Fyrrum kona hans Helga Haraldsdóttir. Kona hans Guðný Baldursdóttir.

Kristján var með foreldrum sínum í æsku, flutti með þeim að Stóru-Brekku í Fljótum 1940 og síðan að Illugastöðum þar.
Hann vann búi foreldra sinna, en síðan í vegavinnu og í verksmiðju á Siglufirði. Eftir flutning til Reykjavíkur vann hann ýmis störf, en í tuttugu ár var hann bifreiðastjóri hjá glerverksmiðjunni Íspan.
Þau Erla giftu sig 1954, eignuðust þrjú börn og Erla átti barn frá fyrra sambandi. Þau bjuggu lengi á Fossvogsbletti 52, en að lokum í Ásgarði 67 frá 1971 meðan báðum entist líf.
Kristján lést 2016. Erla býr í Hæðargarði 35 í Reykjavík.

I. Kona Kristjáns, (9. júní 1954), er Erla Skagfjörð Jósefsdóttir húsfreyja, f. 21. mars 1930 á Sauðárkróki. Foreldrar hennar voru Jósef Skagfjörð Stefánsson frá Hvammi í Hjaltadal, Skagaf., trésmiður, f. 4. nóvember 1905, d. 6. maí 2000 á Sauðárkróki, og Elín Aðalbjörg Jóhannesdóttir frá Sauðárkróki, húsfreyja, f. 29. september 1905, d. 4. maí 1995 á Sauðárkróki.
Barn Erlu:
1. Helgi Skagfjörð Kristjánsson á Akureyri, f. 9. janúar 1951, barn Erlu með Gísla Antoni Pétri Þorsteinssyni bifreiðastjóra, f. 12. september 1930 á Siglufirði, d. 1. september 1966. Kona hans Sigurveig Þórlaugsdóttir.
Börn Erlu og Kristjáns:
2. Jósef Vilmundur Kristjánsson í Kópavogi, f. 25. desember 1953. Kona hans Ingunn Björnsdóttir.
3. Vilmundur Bernharð Kristjánsson í Hveragerði, gæslumaður, f. 25. október 1959. Kona hans Ingunn Fjóla Sölvadóttir Kjerúlf.
4. Kolbrún Sjöfn Kristjánsdóttir í Reykjavík, snyrtifræðingur, f. 20. október 1963. Maður hennar Kristján Oddsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.