Kristín Helga Sveinsdóttir
Kristín Helga Sveinsdóttir frá Búðum í Eyrarsveit á Snæfellsnesi, húsfreyja fæddist 10. janúar 1911 í Ólafsvík og lést 28. ágúst 2008 í Hraunbúðum.
Foreldrar hennar voru Sveinn Skúlason bóndi í Króki í Eyrarsveit, f. 7. júní 1871 í Fremri-Hrafnabjörgum í Hörðudal, Dal., d. 27. desember 1947, og kona hans Ingibjörg Hannesdóttir húsfreyja, f. 17. júní 1868 í Höfðakoti í Eyrarsveit, d. 29. maí 1918.
Fósturforeldrar hennar voru bændur á Búðum í Eyrarsveit, þau Hafliði Jóhannsson og Helga Jónsdóttir, síðar bróðir hennar Skúli Sveinsson og kona hans Hallfríður í Reykjavík.
Kristín Helga missti móður sína 1918. Hún var tökubarn í Hrísum neðri, Brimilsvallasókn, Snæf. 1920, síðar fósturbarn á Búðum og hjá bróður sínum í Reykjavík.
Hún var vinnukona á Sundbakka II, Viðey 1930, síðar húsfreyja í Vestmannaeyjum og í Reykjavík.
Kristín Helga eignaðist barn með Helga Magnúsi 1936.
Þau Lúðvík giftu sig 1951, eignuðust eitt barn saman. Þau bjuggu í Heiðartúni, fluttu til Reykjavíkur 1973.
Lúðvík lést 2003.
Kristín Helga dvaldi að síðustu í Hraunbúðum.
Hún lést 2008.
I. Barnsfaðir Kristínar Helgu var Magnús Helgi Sigurjónsson, f. 10. september 1906 í Hafnarfirði, d. 3. ágúst 1960.
Barn þeirra:
1. Hafsteinn Reynir Magnússon, f. 21. september 1936, d. 29. október 2022. Kona hans Margrét Þórey Gunnlaugsdóttir.
II. Barnsfaðir Kristínar var Knud Grytner, norðmaður.
Barn þeirra:
2. Sigurður Ingi Lúðvíksson, f. 1944 (sjá neðar).
III. Maður Kristínar Helgu, (30. ágúst 1951), var Lúðvík Reimarsson verkamaður, meðeigandi pípugerðar Reimars f. 31. ágúst 1920, d. 22. janúar 2003.
Börn þeirra:
2. Sigurður Ingi Lúðvíksson, kjörsonur Lúðvíks, matsveinn, f. 10. mars 1944. Fyrrum kona hans Ástfríður Árnadóttir.
3. Anna Ingibjörg Lúðvíksdóttir húsfreyja, f. 5. júlí 1953. Maður hennar Þorvaldur Pálmi Guðmundsson.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 6. september 2008. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.