„Blik 1976/Akurdraugurinn og forirnar í Eyjum“: Munur á milli breytinga

==Akurdraugurinn og forirnar í Eyjum==

„Margir voru vættarstaðir í Eyjum“, segir [[Sigfús M. Johnsen]] í bók sinni [[Yfir fold og flæði]]. - Einn draugur á Heimaey var hinn svokallaði Akurdraugur. Sigfúsi M. Johnsen og [[Sigurður Vigfússon|Sigga Fúsa]] (Sigurði Vigfússyni tómthúsmanni á [[Fögruvellir|Fögruvöllum]]) ber saman um það, að þar hafi skapmikill drykkjusvoli gengið aftur, augafullur ólánspési, sem drukknað hafi í hlandfor austur á [[Gjábakki|Gjábakka]], eins og komizt er að orði í heimildum. „Nokkrum dögum síðar fannst hann fljótandi í hlandforinni á [[Miðhús|Miðhúsum]],“ segir í frásögn Sigga Fúsa. ([[Sögur og sagnir úr Vestmannaeyjum]]. bls. 74, 2. útgáfa).<br>

Þessi drukknun Þorsteins drykkjusvola og skapofsamanns í forinni á Miðhúsum nálægt ártalinu 1800, hefur vakið mig til íhugunar, af því að þær minna á vissar staðreyndir, vissa þætti í sögu byggðarlagsins.<br>

[[Peter Anton Schleisner|Dr. Schleisner]] dvaldist í Eyjum við [[Ginklofi|ginklofarannsóknir]] árið 1847. Hann skrifaði bók um dvöl sína í Eyjum og reynslu sína af daglegu lífi Eyjafólks, húsakynnum og þrifnaði. Þar er að ýmsu leyti jafn djúpt tekið í árinni og gert er í bréfi læknisins hér að framan. Og þetta er kafli úr sögu byggðarlagsins. Þess vegna er fjallað um hann hér í ritinu að þessu sinni.

{{Blik}}