„Guðrún Magnúsdóttir (ljósmóðir)“: Munur á milli breytinga

Guðrún  fæddist 10. júlí 1851 að Dalseli í V-Eyjafjallahreppi og lézt í Eyjum 15. júní 1936.<br>

Foreldrar hennar voru Magnús bóndi í Dalseli, f. 29. marz 1801, d. 21. nóv. 1869, Þórodds bónda í Dalseli, f. 1761 í Dalseli, Gissurarsonar og konu Þórodds, Guðrúnar húsfreyju, f. 1768 í Nesi í Selvogi, Sigurðardóttur. Móðir Guðrúnar Magnúsdóttur og kona Magnúsar var Guðríður húsfreyja, f. 2. maí 1812, d. 25. júlí 1884, Ólafs bónda og klukkara í Múlakoti í Fljótshlíð, f. 1776 í Deild í Teigssókn í Fljótshlíð, Árnasonar og konu Ólafs, Þórunnar húsfreyju Þorsteinsdóttur, f. 1790 á Vatnsskarðshólum í Mýrdal.<br>  

Guðrún lauk ljósmæðranámi í Reykjavík 7. júní 1878.<br>  

Hún var ljósmóðir í Vestur-Eyjafjallaumdæmi 10. júní 1878-30. maí 1897, flutti til Eyja 1900 og aðstoðaði skipaða ljósmóður þar til ársins 1924. Einnig stundaði hún tóvinnu, einkum prjónaskap.Hún eignaðist hlut í [[Fagridalur | Fagradal]], er bygging hans var hafin 1905 og bjó þar síðan. <br>  

Er hún bjó u. Eyjafjöllum kynntist hún mormónatrú eins og Eiríkur frá Brúnum Ólafsson túlkaði hana. Stóð hún mitt í þeirri orrahríð, sem varð þar við kirkju, er aðsúgur var gerður að Eiríki og varð hún honum til bjargar frá meiðslum. Var í minnum haft, hvernig söfnuðurinn lét undan síga við orð hennar. (Þessi atburður er túlkaður í Paradísarheimt Halldórs Kiljans Laxness).<br>

Guðrún var stofnfélagi Betelsafnaðar [[Hvítasunnukirkjan | Hvítasunnumanna]] í Eyjum í júlí 1926 og var mjög virk í safnaðarstarfi.<br>

Maki I (12. júní 1873): Þórður bóndi í Syðri-Rotum í Landeyjum, síðar í Hamragörðum u. Eyjafjöllum, f. 1. júní 1846, d. 15. apríl 1887, Jónsson bónda á Borgareyrum og Ólafar Þórðardóttur.<br>

Börn: Guðríður heimiliskennari í Eyjafjallahreppi, síðar í Eyjum, f. 31. ágúst 1873, d. í sept. 1921; Magnús, f. 20. sept. 1874, kvæntur í Eyjum, skildi og fór til Vesturheims; Ísleifur, f. 29. okt. 1876, d. 3. sept. 1895; Karólína, f. um 1884, d. 15. júlí 1886.<br>

{{Heimildir|

*Manntöl.}}

[[Flokkur: Fólk]]

[[Flokkur: Ljósmæður]]