Jóna Kristinsdóttir (ljósmóðir)
Jóna Kristinsdóttir ljósmóðir fæddist 21. des. 1895 í Steinakoti á Árskógsströnd í Eyjafirði og lézt 27. okt. 1975 í Reykjavík.
Foreldrar hennar voru Kristinn Anton smiður, bóndi og skipstjóri á Hrafnagili og víðar, síðar á Hamri í Fljótum í Skagafirði, en síðast búsettur á Siglufirði, f. 18. júlí 1866, d. 13. júlí 1942, Ásgríms bónda á Skeiði í Fljótum Ásmundssonar og konu Ásgríms, Guðrúnar Sveinsdóttur frá Minna-Holti þar.
Móðir Jónu var Helga Guðrún, f. 4. október 1864, d. 5. marz 1952, Baldvins bónda á Hrafnagili Sveinssonar og konu Baldvins, Guðrúnar Gísladóttur frá Haga á Árskógsströnd.
Jóna lauk ljósmæðraprófi við Ljósmæðraskóla Íslands 31. marz 1919.
Hún var ljósmóðir í Haganeshreppsumdæmi í Eyjafirði 1919-1921.
Ljósmóðir í Eyjum var hún frá 1921 til 20. ágúst 1949, er hún fluttist til Reykjavíkur. Í Eyjum sinnti hún jafnframt hjúkrun í heimahúsum. Í Reykjavík vann hún á sjúkrahúsinu að Sólheimum 1949-1962.
Jóna var einn af stofnfélögum Ljósmæðrafélags Íslands 2. maí 1919 og var gerð að heiðursfélaga 1959. Í Eyjum sat hún í stjórn slysavarnafélagsins Eykyndils um árabil og var virkur félagi í Kvenfélaginu Líkn. Hún var heiðruð af konum í Eyjum, er hún hætti störfum þar. Hún dvaldi á Hrafnistu í Reykjavík frá 1967.
Maki (11. ágúst 1922): Hjálmar verzlunarstjóri, f. 25. janúar 1900, d. 18. ágúst 1940, Eiríks Hjálmarssonar kennara í Eyjum og Sigurbjargar Rannveigar Pétursdóttur frá Löndum á Miðnesi í Gullbringusýslu.
Börn þeirra Hjálmars:
1. Sigurbjörg deildarritari, f. 2. apríl 1923 á Vegamótum, d. 1. maí 2010, gift Viggó Einarssyni flugvirkja.
2. Eiríkur skrifstofumaður, f. 4. júlí 1924 á Stað, d. 5. september 1971, kvæntur Hlíf Erlendsdóttur frá Keflavík, látin.
3. Helga Ágústa aðalgjaldkeri á skrifstofu Ríkisspítalanna, f. 2. júlí 1927 á Heiðarbýli við Brekastíg 6, d. 7. júlí 2004, gift Árna Friðjónssyni skrifstofumanni.
4. Anna skrifstofumaður í Hafnarfirði, f. 16. desember 1929 á Kalmanstjörn við Vestmannabraut 3, gift Kristleifi Einarssyni eftirlitsmanni hjá Íslenzka Álfélaginu í Straumsvík.
5. Ása gjaldkeri hjá Áfengis- og tóbaksverzlun Ríkisins, f. 4. maí 1931 á Kalmanstjörn, d. 1. mars 2011, gift Hauki Ingimarssyni bifreiðasmið.
6. Fríða Kristbjörg læknaritari á Landspítalanum, f. 4. febrúar 1935 á Faxastíg2, d. 23. september 2021, gift (skildu) Birgi Matthíasi Indriðasyni matsveini í Reykjavík.
Myndir
Heimildir
- Upphaflega grein skrifaði Víglundur Þór Þorsteinsson.
- Ljósmæður á Íslandi. Reykjavík: Ljósmæðrafélag Íslands, 1984.
- Sigfús M. Johnsen: Saga Vestmannaeyja I. Reykjavík: Ísafoldarprentsmiðja, 1946. bls.150.
- Garður.is.
Þessi grein tilheyrir Æviskrám Eyjafólks eftir Víglund Þór Þorsteinsson.