Jóhann Halldórsson (útgerðarmaður)
Jóhann Harry Halldórsson útgerðamaður, skipstjóri fæddist 24. október 1942 á Búðum í Fáskrúðsfirði og lést 18. ágúst 2004.
Foreldrar hans voru Halldór Jónsson frá Hafnarnesi í Fáskrúðsfirði, (kjörfaðir), sjómaður, útgerðarmaður, f. 28. ágúst 1919, d. 17. maí 1982, og kona hans Anna Guðrún Erlendsdóttir frá Brekkuborg í Fáskrúðsfirði, húsfreyja, fiskvinnslukona og í forustusveit verkakvenna, f. 11. júlí 1924, d. 11. febrúar 1998.
Börn Önnu og Halldórs:
1. Jóhann Harry Halldórsson, f. 24. október 1942, d. 18. ágúst 2004. Kona hans Aðalbjörg Jóhanna Bernódusdóttir.
2. Guðlaug Brynja Halldórsdóttir, f. 25. nóvember 1944. Barnsfaðir hennar Þór Ragnarsson. Maður hennar Haraldur Benediktsson.
3. Stúlka, f. 30. september 1947, d. 1. desember 1947.
Fósturdóttir:
4. Erna Þórsdóttir, f. 28. júlí 1963, - dóttir Brynju. Maður hennar Halldór Hjörleifsson.
Jóhann var með foreldrum sínum, fluttist með þeim til Eyja 1951, bjó með þeim í Pálsborg og á Boðaslóð 16.
Hann varð vélstjóri 1962, lauk námi í Stýrimannaskólanum í Eyjum 1972.
Jóhann hóf ungur sjómennsku, var vélstjóri á Andvara og Gylfa, rak síðan útgerð frá 1966, fyrst í félagi við aðra, frá 1968 með Herði Snævari Jónssyni, en síðan einn frá 1980. Þau Aðalbjörg Jóhanna gerðu út Andvara VE 100 og einnig minni báta og tóku þátt í öðrum atvinnurekstri tengdum sjávarútvegi.
Jóhann starfaði í samtökum útvegsmanna í Eyjum, var um árabil í stjórn Bátaábyrgðarfélags Vestmannaeyja, virkur í Útvegsbændafélagi Vestmannaeyja og sótti aðalfundi Landssambands íslenskra útvegsmanna.
Þau Aðalbjörg Jóhanna giftu sig 1964, eignuðust fjögur börn. Þau bjuggu í fyrstu á Boðaslóð 16, síðar á Höfðavegi 34.
Jóhann lést 2004.
I. Kona Jóhanns, (21. nóvember 1964), er Aðalbjörg Jóhanna Bernódusdóttir frá Borgarhól við Kirkjuveg 11, húsfreyja, útgerðarmaður, f. 28. maí 1944 í London.
Börn þeirra:
1. Anna Dóra Jóhannsdóttir húsfreyja, framkvæmdastjóri í Eyjum, f. 9. júní 1962. Barnsfaðir hennar Stefán Einarsson. Maður hennar Vignir Sigurðsson.
2. Jóhanna Jóhannsdóttir
húsfreyja, kennari í Eyjum, f. 3. apríl 1968. Barnsfaðir hennar Kári Hrafn Hrafnkelsson. Maður hennar Gísli Hjartarson. Sambúðarmaður hennar Ágúst Bjarnason.
3. Heimir Jóhannsson kerfisfræðingur í Hafnarfirði, f. 28. júní 1972. Barnsmóðir hans Laufey Ársælsdóttir. Kona hans Ásdís Haralds Johnsen.
4. Birgit Jóhannsdóttir viðskiptafræðingur í Hafnarfirði, f. 28. október 1979. Fyrrum sambýlismaður Guðmundur Tómas Sigurðsson. Maður hennar Árni Þór Óskarsson.
Heimildir
- Samantekt: Víglundur Þór Þorsteinsson.
- Íbúaskrá Vestmannaeyja 1972.
- Íslendingabók.is.
- Morgunblaðið 27. ágúst 2004. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.