Herdís Eggertsdóttir

Úr Heimaslóð, Sögusetri Vestmannaeyja
Fara í flakk Fara í leit
Sigurbjörg Herdís Eggertsdóttir.

Sigurbjörg Herdís Eggertsdóttir frá Sæbóli í Haukadal í Dýrafirði fæddist 5. september 1932 og lést 23. september 2001.
Foreldrar hennar voru Eggert Guðmundsson frá Höll í Haukadal, sjómaður, skipstjóri, síðar bóndi, f. 10. janúar 1883, d. 14. maí 1966, og kona hans Guðríður Gestsdóttir húsfreyja, f. 11. september 1897 að Saurum í Keldudal, d. 14. janúar 1993.

Herdís var með foreldrum sínum.
Hún leitaði sér atvinnu í Reykjavík og þar kynntust þau Magnús.
Þau giftu sig í Reykjavík 1955, eignuðust tvö börn. Þau bjuggu í byrjun á Vesturhúsum-vestri, síðan á Stað, en þá á Búastaðabraut 6 í Eyjum, síðan í Reykjavík um hálfs árs skeið, þá að Þrastarnesi 17 í Garðabæ, en síðast í Funalind 7 í Kópavogi.
Herdís vann um skeið iðnaðarstörf hjá Nóa-Síríus verksmiðjunni.
Herdís lést 2001. Magnús býr nú með Ester dóttur sinni að Berjavöllum 3 í Hafnarfirði.

I. Barnsfaðir Herdísar var Sigurjón Magnús Valdimarsson verslunarmaður, f. 3. janúar 1932 í Reykjavík, d. 29. september 2016.
Barn þeirra:
1. Eggert Sigurjónsson kennari á Akureyri, f. 31. ágúst 1953 á Haukadal í Dýrafirði.

II. Maður Sigurbjargar Herdísar, (29. október 1955), er Magnús Eggert Helgason frá Vesturhúsum-vestri, sjómaður, skipstjóri, málari, f. þar 29. desember 1932.
Börn þeirra:
1. Guðmundur Magnússon verkstjóri í Álverinu í Straumsvík, f. 5. janúar 1956. Kona hans Ingibjörg Hreiðarsdóttir.
2. Ester Magnúsdóttir húsfreyja, læknaritari við Heilsugæsluna í Breiðholti, f. 5. ágúst 1964, ógift.


Heimildir

  • Íslendingabók.is.
  • Magnús.
  • Prestþjónustubækur.
  • Skipstjóra- og stýrimannatal. Guðmundur Jakobsson. Ægisútgáfan 1979.


Þessi grein tilheyrir Æviskrám Eyjafólks eftir Víglund Þór Þorsteinsson.