Halldóra Sigurðardóttir (Eystri-Oddsstöðum)

Úr Heimaslóð, Sögusetri Vestmannaeyja
Fara í flakk Fara í leit

Halldóra Sigrún Sigurðardóttir frá Klömbru u. Eyjafjöllum, húsfreyja, fiskvinnslukona á Eystri-Oddsstöðum fæddist þar 4. maí 1901 í Klömbru og lést 18. júlí 1994.
Foreldrar hennar voru Sigurður Pálsson vinnumaður, f. 15. apríl 1870, d. 19. apríl 1904, og Sigurbjörg Jónsdóttir, þá vinnukona, f. 31. mars 1873, d. 21. mars 1949.

Halldóra var tökubarn hjá Kristbjörgu móðursystur sinni í Klömbru 1901 og 1910, með móður sinni hjá Kristbjörgu í Klömbru 1920.
Halldóra og Sigurbjörg móðir hennar fluttu til Eyja 1927.
Þau Einar giftu sig 1927, eignuðust þrjú börn. Þau bjuggu á Eystri-Oddsstöðum.
Einar lést 1974.
Halldóra dvaldi hjá Guðbjörgu dóttur sinni á Heiðarvegi 56 í 22 ár, var um skeið í Hraunbúðum, en síðustu þrjú ár sín dvaldi hún á Sjúkrahúsinu. Hún lést 1994.

I. Maður Halldóru, (17. desember 1927), var Einar Vilhjálmsson trésmíðameistari, f. 9. febrúar 1886 á Þuríðarstöðum í Fljótsdal, N-Múl., d. 29. desember 1974.
Börn þeirra:
1. Ingibjörg Þórstína Rains húsfreyja, iðnverkakona í Bandaríkjunum, f. 3. október 1928, d. 17. ágúst 2003.
2. Sigurjón Einarsson flugmaður, f. 31. maí 1930.
3. Guðbjörg Einarsdóttir húsfreyja, f. 30. september 1931, d. 18. desember 2008.


Heimildir

  • Samantekt: Víglundur Þór Þorsteinsson.
  • Íbúaskrá Vestmannaeyja 1972.
  • Manntöl.
  • Prestþjónustubækur.
  • Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.


Þessi grein tilheyrir Æviskrám Eyjafólks eftir Víglund Þór Þorsteinsson.