Guðríður Guðmundsdóttir (Litlu-Grund)
Halldóra Guðríður Guðmundsdóttir frá Brúsholti í Flókadal í Borgarfirði, bústýra, húsfreyja á Litlu-Grund fæddist 17. september 1856 í Brúsholti og lést 18. júlí 1930.
Foreldrar hennar voru Guðmundur Björnsson bóndi í Brúsholti, f. 19. mars 1824, d. 10. desember 1874, og kona hans Kristín Kaprasíusdóttir húsfreyja, f. 27. ágúst 1820, d. 28. september 1857.
Guðríður missti móður sína eins árs. Hún var með föður sínum og stjúpu í Brúsholti 1860, var víða vinnukona, m.a. í Stafholtsey í Bæjarsveit 1880, á Vegamótum á Akranesi 1890.
Þau Steinn eignuðust þrjú börn, en misstu tvö þeirra ung.
Hún fluttist til Reykjavíkur 1902, var vinnukona þar 1910.
Guðríður fluttist frá Reykjavík að Litlu-Grund 1911 og var þar bústýra hjá Guðmundi Jenssyni til dd. 1930.
Þau Guðmundur fóstruðu nokkur börn.
1913 var Svavar Þórðarson frá Seyðisfirði, tveggja ára, kominn til þeirra í fóstur.
1914 var Sigríður Guðmundsdóttir 4 ára komin í fóstur, - hún samkv. sóknarmannatali 1914,
„óskila barn frá Rvk“. Hún var farin 1918.
1920 var Ólafur Þorbjörn Marías Magnússon kominn til þeirra og var þar enn
1930.
Guðríður lést 1930 og Guðmundur 1931.
I. Sambúðarmaður Guðríðar var Steinn Jónsson vinnumaður á Stóru-Reykjum, Skuggabjörgum, Stafni og á Stafnesi á Miðnesi, f. 8. júlí 1864, d. 1. maí 1953. Foreldrar hans voru Jón Jónsson bóndi á Steinhóli í Flókadal í Skagaf. og víðar, síðar vinnumaður, f. 1829 á Steinhóli, d. í júní 1874, og kona hans Solveig Daníelsdóttir húsfreyja, f. 1834 á Gautsstöðum í Stíflu, Skagaf., d. 1923 á Syðsta-Mói í Flókadal.
Börn þeirra:
1. Guðmundur Steinsson, f. 17. júlí 1889, d. 18. júlí 1889.
2. Guðmundur Steinsson sjómaður, verkstjóri í Reykjavík, f. 4. október 1890, d. 18. janúar 1963. Kona hans Ragnheiður Guðmundsdóttir. Kona Sigurbjörg Þorsteinsdóttir. Kona hans Þóra Sigurbjörg Jónsdóttir.
3. Guðrún Steinsdóttir, f. 9. apríl 1892, d. 2. ágúst 1896.
II. Sambúðarmaður Guðríðar var Guðmundur Jesson Thomsen verkamaður, f. 13. nóvember 1867, d. 19. apríl 1931.
Fósturbön þeirra voru:
4. Svavar Þórðarson afgreiðslustjóri, f. 12. febrúar 1911 á Seyðisfirði, d. 10. janúar 1978.
5. Sigríður Guðmundsdóttir, f. um 1910 . Hún var hjá þeim 1914-1918.
6. Ólafur Þorbjörn Marías Magnússon frá Langa-Hvammi, f. 19. september 1916, d. í apríl 1943. Foreldrar hans voru Magnús Þórðarson, síðar í Kornhól, (Skansinum), og Magnea Gísladóttir vinnukona, síðar húsfreyja á Akri, f. 7. júní 1893, d. 10. febrúar 1975.
Heimildir
- Samantekt: Víglundur Þór Þorsteinsson.
- Borgfirzkar æviskrár. Margir höfundar. Sögufélag Borgarfjarðar 1969-2007.
- Íslendingabók.is.
- Magnús Haraldsson.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.