Guðbjörg Halldóra Einarsdóttir
Guðbjörg Halldóra Einarsdóttir frá Saurbæ á Langanesströnd, N.-Múl., húsfreyja á Hólagötu 44 fæddist 8. júní 1926 á Hallgilsstöðum á Langanesströnd og lést 10. júlí 2022.
Foreldrar hennar voru Einar Ófeigur Hjartarson bóndi, söðlasmiður, f. 11. maí 1896, d. 11. apríl 1963, og kona hans Stefanía Jónsdóttir húsfreyja, f. 23. mars 1891, d. 12. maí 1960.
Guðbjörg var með foreldrum sínum.
Hún nam í Húsmæðraskólanum á Laugalandi.
Guðbjörg fluttist til Eyja 1947, stundaði saumaskap fyir fólk. Á Selfossi var hún matráður í leikskóla.
Þau Gústaf giftu sig 1950, eignuðust eitt barn. Þau bjuggu á Heiðarvegi 11 1949, eignuðust Stefaníu í lok ársins.
Þau byggðu húsið að Hólagötu 44 og bjuggu þar, uns þau fluttust á Selfoss 1964.
Á Selfossi bjuggu þau til 2000, er þau fluttust til Akureyrar og bjuggu þar.
Gústaf lést 2017 og Guðbjörg 2022.
I. Maður Guðbjargar, (30. desember 1950), var Gústaf Sigjónsson sjómaður, skipstjóri, bifreiðastjóri, f. 22. janúar 1927, d. 30. janúar 2017.
Barn þeirra er
1. Stefanía Gústafsdóttir húsfreyja á Akureyri, f. 26. desember 1949. Maður hennar er Úlfar Ragnarsson trésmiður.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 13. ágúst 2022. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.