Gísli Sigurðsson (Sólnesi)
Gísli Sigurðsson frá Sólnesi, kennari fæddist 23. nóvember 1932 í Skálholti við Urðaveg.
Foreldrar hans voru Sigurður Guttormsson frá Hamragerði í Eiðaþinghá á Fljótsdalshéraði, bankamaður, bæjarfulltrúi, ritstjóri, f. 15. ágúst 1906, d. 10. febrúar 1998, og kona hans Sigríður Margrét Gísladóttir frá Skálholti-yngra við Urðaveg, húsfreyja, f. 5. febrúar 1912 í Skálholti-eldra við Landagötu, d. 20. maí 2010.
Gísli lauk öðrum bekk í Gagnfræðaskólanum 1947 og stúdentsprófi í Menntaskólanum í Reykjavík 1954. Hann nam efnafræði við Technishe Hochschule í Vínarborg.
Gísli fylgdi foreldrum sínum til Kaupmannhafnar 1947 og dvaldi þar til 1949 og bjó með þeim í Sólnesi á því ári, en fluttist með þeim til Reykjavíkur 1950.
Hann var kennari við Gagnfræðaskóla Selfoss 1964-1982 og Fjölbrautarskóla Suðurlands frá 1982 til starfsloka.
Gísli var ritstjóri Þjóðólfs, málgagns framsóknarmanna á Suðurlandi og formaður Framsóknarfélagsins á Selfossi um skeið.
Gísli er þríkvæntur.
I. Fyrsta kona Gísla, (1955, skildu), var Erna Kristinsdóttir, f. 17. apríl 1931, d. 18. mars 2013. Foreldrar hennar voru Hans Kristinn Hákonarson lögregluþjónn í Hafnarfirði, f. 9. júlí 1897, d. 28. apríl 1986, og kona hans Stefanía Sigríður Ingimundardóttir húsfreyja, f. 26. janúar 1897, d. 29. desember 1976.
II. Önnur kona hans, (23. október 1963), var Georgina Sedlácek (ísl. endurnafn Svanhvít Stefánsdóttir), f. 25. mars 1935, d. 27. september 1977. Foreldrar hennar voru Stefan Sedlácek stöðvarstjóri í Vínarborg og kona hans Georgina Sedlácek.
Börn þeirra:
1. Stefán Gíslason (kjörsonur), verkamaður, f. 12. febrúar 1958, d. 21. mars 2016. Ókv.
2. Katrín Gísladóttir myndlistarmaður í Reykjavík, f. 13. október
1962. Maður hennar er Sveinbjörn Guðjohnsen.
3. Sigríður Georgína Gísladóttir hótelstarfsmaður á Selfossi, f. 9. nóvember 1963. Óg.
4. Christine Gísladóttir ljósmyndari í Reykjavík, f. 26. desember 1965. Maður hennar er Grímur Arnarson.
III. Þriðja kona Gísla, (24. desember 1980), var Inga Ragna Holdö framkvæmdastjóri, f. 12. desember 1942, d. 16. mars 2019. Foreldrar hennar voru Hans Olai Holdö flugstjóri í Noregi, f. 7. janúar 1921, d. 28. ágúst 1943, og kona hans Marta Þórey Nilsen Holdö, f. 9. janúar 1926, 15. janúar 1999.
Börn Ingu og stjúpbörn Gísla:
6. Marta Rut Sigurðardóttir húsfreyja í Noregi, f. 14. september 1963.
7. Dagný María Sigurðardóttir verslunarmaður í Reykjavík, f. 24. september 1965. Óg.
8. Guðmundur Sigurðsson framkvæmdastjóri í Reykjavík, f. 20. maí 1972. Kona hans er Helga Eiríksdóttir.
Heimildir
- Samantekt: Víglundur Þór Þorsteinsson.
- Gísli.
- Íslendingabók.is.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.