Einar Valgeir Arason (kennari)
Einar Valgeir Arason frá Reykjavík, kennari fæddist þar 2. mars 1950.
Foreldrar hans Ari Einarsson kennari, f. 13. september 1928, d. 29. nóvember 1970, og Edda Ingveldur Larsen afgreiðslumaður, f. 3. febrúar 1932, d. 16. janúar 2018.
Einar ólst upp hjá Einari afa sínum og konu hans Ólínu Jónsdóttur.
Hann lauk landsprófi í Hlíðardalsskóla í Ölfusi 1966, varð gagnfræðingur þar 1967, lauk 5. bekkjar prófi 1968, nam í Newbold College í Brackwell, Berks á Englandi 1968-1974, í Andrew University Berrien Springs í Michigan, Bandaríkjunum 1979-1980 og 1982. Hann lauk B.A.-prófi í guðfræði, M.A.-prófi í uppeldisfræði 1982.
Einar Valgeir var kennari í Hlíðardalsskóla 1967-1968, 1972-1973 og frá 1980, í Barnaskóla S. D. aðventista í Eyjum 1974-1976. Hann gegndi prestsstörfum við söfnuð S. D. A. í Keflavík 1976-1978. Hann vann skáta- og æskulýðsstörf.
Hann var ritstjóri Innsýn (æskulýðsblað S. D. A.) 1981-1982.
Þau Karen giftu sig 1972, eignuðust þrjú börn.
I. Kona Einars Valgeirs, (18. júní 1972), er Karen Elisabeth Pomfrey Arason kennari, f. 7. febrúar 1950.
Börn þeirra:
1. Einar Karl Einarsson, f. 9. mars 1975.
2. Karólína Einarsdóttir, f. 10. desember 1977.
3. Ómar Þór Einarsson, f. 3. júlí 1979.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
Þessi grein tilheyrir Æviskrám Eyjafólks eftir Víglund Þór Þorsteinsson.