Einar Björnsson (Viðey)

Úr Heimaslóð, Sögusetri Vestmannaeyja
Fara í flakk Fara í leit

Einar Björnsson bátsformaður fæddist 15. ágúst 1894 og drukknaði 12. jan. 1941.
Foreldrar hans voru Sigurlaug Stefánsdóttir húsfreyja á Kappeyri við Fáskrúðsfjörð, f. 17. júlí 1865, d. 12. júlí 1953, og Björn Einarsson bóndi, f. 30. apríl 1829, d. 6. desember 1913.

Móðurbróðir Einars var Sigurlínus Stefánsson, f. 10. nóvember 1872, d. 18. júní 1954, bræðslumeistari og utanbúðarmaður í Edinborg hjá Gísla J. Johnsen.
Einar var með foreldrum sínum á Kappeyri 1901, með þeim á Einarsstöðum þar 1910.
Hann var kvæntur Sigurlaugu húsfreyju og húsbóndi í Sandgerði í Fáskrúðsfirði 1920 með barnið Sigurbjörn Guðlaug eins árs. Hjá þeim var Páll Jóhannes bróðir Sigurlaugar.
Einar var bátsformaður eystra.
Þau Sigurlaug fluttust með fjölskylduna til Eyja 1939 og þar var Einar síðast sjómaður á v.b. Friðriki VE-271.
Einar drukknaði af slysförum á Höfninni 1941: „Þeir voru að leggja v.b. Friðrik við festar í höfninni. Kom þá ofsalegur kastvindur, sem kastaði þeim útbyrðis. Vestan ofsarok var þegar þetta skeði.“ (Sjá Minningarrit P.O.).

Kona Einars, (12. október 1919), var Sigurlaug Guðmundsdóttir húsfreyja í Sandgerði í Fáskrúðsfirði, síðar í Viðey, f. 11. september 1895, d. 14. febrúar 1980.
Börn Sigurlaugar og Einars, öll fædd eystra:
1. Sigurbjörn Guðlaugur Einarsson sjómaður, f. 2. desember 1919, d. 22. september 1966.
2. Alfreð Einarsson vélstjóri og verkstjóri, f. 6. desember 1921, d. 1. október 2013.
3. Erla Einarsdóttir húsfreyja, f. 17. desember 1927.
4. Stefán Einarsson verkamaður, f. 6. júní 1931, d. 12. febrúar 1980.
5. Elsa Guðjóna Einarsdóttir húsfreyja og verkakona, f. 30. janúar 1936, d. 26. febrúar 2009.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.