Aldís María Karlsdóttir
Aldís María Karlsdóttir húsfrteyja, sjúkraliði fæddist 11. desember 1962 á Akureyri.
Foreldrar hennar voru Karl Jörundsson starfsmannastjóri, f. 15. júlí 1934 á Siglufirði og Valgerður Frímann verslunarkona, f. 9. desember 1935 á Akureyri, d. 2. janúar 2005.
Alda lauk sjúkraliðaprófi í Gagnfræðaskólanum á Akureyri 1981.
Hún var sjúkraliði á Fjórðungssjúkrahúsinu á Akureyri, vistheimilinu Sólborg 1981-1983, á Droplaugarstöðum í Reykjavík 1983-1985 og Sjúkrahúsinu í Eyjum 1986-1991. Þau Vignir fluttu til Akureyrar. Hún vinnur þar við heimahjúkrun
Þau Vignir giftu sig 1996, eignuðust þrjú börn.
I. Maður Öldu Maríu, (1. júní 1996), er Vignir Traustason stýrimaður, hafnsögumaður, f. 20. september 1967 á Seyðisfirði.
Börn þeirra:
1. Guðmundur Ragnar Vignisson lögreglumaður, f. 2. júlí 1992. Sambúðarkona hans Embla Rún Hakadóttir.
2. Valdís Frímann Vignisdóttir hjúkrunarfræðingur, f. 23. október 1993. Sambúðarmaður hennar Gunnar Sveinn Rúnarsson.
3. Hafþór Már Vignisson viðskiptafræðinemi, atvinnumaður í handbolta, f. 25. maí 1999. Sambúðarkona hans Ólöf Marín Hlynsdóttir.
Heimildir
- Samantekt: Víglundur Þór Þorsteinsson.
- Aldís.
- Íslendingabók.
- Sjúkraliðar á Íslandi 1966-1996. Ritstjóri: Sigurður Hermundarson. Mál og mynd 1997.
Þessi grein tilheyrir Æviskrám Eyjafólks eftir Víglund Þór Þorsteinsson.