Óskar Einarsson (Staðarfelli)
Óskar Einarsson frá Staðarfelli, vélstjóri fæddist þar 12. júlí 1923 og lést 28. október 2020.
Foreldrar hans voru Einar Sæmundsson húsasmíðameistari, f. 9. desmeber 1884, d. 14. desember 1974, og kona hans Elín Björg Þorvaldsdóttir húsfreyja, f. 29. ágúst 1894, d. 10. september 1973.
Börn Elínar og Einars:
1. Guðrún Ágústa Einarsdóttir húsfreyja, síðast í Reykjavík, f. 11. ágúst 1917, d. 15. júní 1939.
2. Sæmundur Einarsson sjómaður, síðast í Reykjavík, fóstraður á Hofi VII í A-Skaft, f. 27. apríl 1919, d. 8. september 2003.
3. Soffía Einarsdóttir yngri, húsfreyja, f. 13. janúar 1921 á Staðarfelli, bjó í Reykjavík, d. 1. janúar 2000.
4. Sigríður Einarsdóttir húsfreyja, f. 5. febrúar 1922 á Staðarfelli, síðast í Reykjavík, d. 9. júní 1989.
5. Óskar Einarsson vélstjóri, sendibílstjóri, f. 12. júlí 1923.
6. Einar Einarsson húsasmiður, f. 23. júlí 1924 á Staðarfelli, d. 5. janúar 2008.
7. Halldór Þorsteinn Einarsson netamaður, vélstjóri, f. 26. febrúar 1926, d. 6. mars 1951, tók út af mb. Sæfara.
Óskar var með foreldrum sínum í æsku.
Hann varð sjómaður, lauk vélstjóraprófi og stýrimannaprófi.
Óskar var vinnuvélastjóri við símalagningu á Holtavörðuheiði 1943. Þá var hann bátsmaður á togaranum Garðari frá Hafnarfirði og var með í fyrstu siglingu á Bremerhaven eftir stríð.
Óskar var einn af stofnendum sendibílastöðvarinnar Þrasta um 1955 og starfaði þar síðan.
Þau Bjarnheiður Ragna giftu sig 1955, eignuðust fjögur börn, bjuggu í Vallartröð 7 í Kópavogi.
Bjarnheiður Ragna lést 2012. Óskar býr í Vallartröð 7.
I. Kona Óskars, (1. janúar 1955), var Bjarnheiður Ragna Kjartansdóttir frá Austurey í Laugardal í Árn., f. 15. júlí 1928, d. 10. mars 2012. Foreldrar hennar voru Kjartan Bjarnason bóndi, f. 4. nóvember 1891, d. 10. maí 1939, og kona hans Margrét Þorkelsdóttir húsfreyja, f. 28. ágúst 1897, d. 30. janúar 1987.
Börn þeirra:
1. Einar Óskarsson starfsmaður Skógræktarinnar, f. 30. október 1955. Kona hans Lene Grönholm.
2. Kjartan Óskarsson garðyrkjumaður, starfsmaður við íþróttamiðstöð, f. 7. október 1959. Kona hans Margrét Gunnarsdóttir.
3. Halldór Óskarsson verktaki, f. 12. júní 1963. Fyrrum kona hans Elísabet María Hálfdánardóttir.
4. Reynir Óskarsson verkamaður, f. 2. ágúst 1966, ókvæntur.
Heimildir
- Samantekt: Víglundur Þór Þorsteinsson.
- Einar.
- Íslendingabók.is.
- Manntöl.
- Morgunblaðið 5. apríl 2012. Minning Bjarnheiðar.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.