Árni Vigfússon (Miðhúsum)
Árni Vigfússon frá Miðhúsum, (Autney Anderson), námumaður í Spanish Fork í Utah fæddist 11. júlí 1875 á Miðhúsum og lést 14. júní 1923 í Utah.
Foreldrar hans voru Vigfús Einarsson bóndi á Miðhúsum, f. 17. júlí 1838 á Loftsölum í Mýrdal, d. í Vesturheimi, og kona hans Guðrún Guðmundsdóttir húsfreyja, f. 1834 í Fljótshlíð.
Börn Vigfúsar og Guðrúnar voru:
1. Guðlaugur Vigfússon sjávarbóndi á Vilborgarstöðum, f. 18. ágúst 1864, d. 4. maí 1942.
2. Sesselja Kristín Vigfúsdóttir, f. 1867. Hún fór til Utah 1891 frá Mandal. Maður hennar vestra var Árni Helgason frá Kornhól.
3. Einar Vigfússon, f. 23. febrúar 1870, d. 2. mars 1870 úr ginklofa.
4. Einar Vigfússon, f. 1. apríl 1872. Hann var vinnumaður í Garðinum 1890, fór til Utah 1892.
5. Árni Vigfússon, f. 11. júlí 1875. Hann fór til Utah 1887 frá Miðhúsum.
Árni var með foreldrum sínum í æsku, en fór frá Miðhúsum til Utah 1887, 13 ára. Mikill fjöldi Eyjafólks fór til Utah á því ári.
Faðir hans fór Vestur 1888, móðir hans 1889, Sesselja 1891 og Einar 1892.
I. Kona Árna, (27. nóvember 1906), var Sylvia Celestia Hartley, f. 14. maí 1885 í Fairview í Utah, d. 30. apríl 1964.
Börn þeirra:
1. Belma Fae, f. 23. apríl 1908 í Scofield í Utah, d. 13. maí 1992.
2. Leah Goodrun, f. 29. okt. 1909, d. 25. desember 1990.
3. Verda Christina, f. 25. júlí 1911, 9. ágúst 2000.
4. Sherman Ross, f. 15. mars 1913, 27. nóvember 1971.
5. Bertha, f. 8. ágúst 1916, d. 19. september 1997.
6. Wilbert Hartley, f. 20. júní 1919, d. 9. desember 1999.
7. Dean Outney, f. 10. júní 1921, d. 11. nóvember 1889.
Heimildir
- Samantekt: Víglundur Þór Þorsteinsson.
- Magnús Haraldsson.
- Manntöl.
- Prestþjónustubækur.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
Þessi grein tilheyrir Æviskrám Eyjafólks eftir Víglund Þór Þorsteinsson.