„Sjómannadagsblað Vestmannaeyja 1964/ Ásmundur Friðriksson, skipstjóri frá Löndum“: Munur á milli breytinga

<big><center>Fæddur 31. ágúst 1909. Dáinn 18. nóvember 1963</center></big><br>

Ásmundur Friðriksson skipstjóri varð bráðkvaddur að heimili sínu. Faxabraut 2 í Keflavík, þann 18. nóvember s.l. aðeins 54 ára gamall.<br>

Ásmundur var sonur hins þekkta skipstjóra og aflamanns, Friðriks Svipmundssonar, og konu hans, [[Elín Þorsteinsdóttir (Löndum)|Elínar Þorsteinsdóttur]] frá Dyrhólum í Mýrdal. Þau bjuggu nær allan sinn búskap að Löndum í Vestmannaeyjum. Vart er hægt að hugsa sér sannari fulltrúa aldamótakynslóðarinnar en þau Friðrik og Elínu, þeirrar kynslóðar, sem lyfti því grettistaki að flytja þjóðina úr lífskjörum miðaldanna til þeirrar velmegunar, sem við eigum nú við að búa. Heimilið að Löndum var mannmargt, eins og tíðkaðist í þá daga og annálað fyrir myndarskap. Þessi stóru útvegsbændaheimili eru nú orðið næsta óþekkt, en margar ljúfar endurminningar eru við þau tengd.