Jón Gíslason (Tómthúsi)
Jón Gíslason sjómaður og tómthúsmaður í Tómthúsi í Eyjum, fæddist 1818 og fórst í maí 1847.
Faðir hans var Gísli bóndi víða, en lengst í Búlandsseli í Skaftártungu, f. 1753 í Kerlingardal í Mýrdal, d. 11. nóvember 1841 á Flögu í Skaftártungu, Jónsson, f. (1725), Gíslasonar bónda á Hellum í Mýrdal, f. 1687, Andréssonar, og konu Gísla á Hellum, Solveigar húsfreyju, f. 1695, Jónsdóttur.
Móðir Gísla í Búlandsseli er ókunn.
Móðir Jóns sjómanns í Tómthúsi og fjórða kona Gísla í Búlandsseli var Guðrún húsfreyja, f. 1781, d. 4. júlí 1853, Jónsdóttir bónda á Snæbýli og í Hemru í Skaftártungu, f. 1729, d. 17. júlí 1812, Valdasonar bónda í Ytri-Dal, f. 1691, d. fyrir 1748, Vigfússonar, og konu Valda, Margrétar húsfreyju, f. 1696, Jónsdóttur og konu Jóns, Guðnýjar Arnbjarnardóttur.
Móðir Guðrúnar í Búlandsseli og kona Jóns Valdasonar á Snæbýli var Margrét húsfreyja, f. 1743 á Keldunúpi á Síðu, d. 5. ágúst 1829 í Hemru, Árnadóttir.
Jón var búandi sjómaður með Margréti Jónsdóttur unnustu sinni í Tómthúsi í Eyjum 1845.
Jón Gíslason fórst í maí 1847 með Morten Ericksen í hákarlaveiðiferð.
Margrét var systurdóttir Jóns. Móðir hennar var Ragnhildur Gísladóttir hálfsystir Jóns.
Margrét varð síðar kona Jóns Hannessonar sjómanns í
Nýja-Kastala og voru þau foreldrar Hannesar lóðs.
Barn þeirra Jóns Gíslasonar og Margrétar var
1. Sesselja Jónsdóttir húsfreyja í Gvendarhúsi, f. 31. desember 1844, d. 9. júní 1923, kona Jóns í Gvendarhúsi.
Hún var hálfsystir Hannesar lóðs á Miðhúsum.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.
- Vestur-Skaftfellingar 1703-1966. Björn Magnússon. Leiftur 1970-1973.