Blik 1953/Skýrsla Gagnfræðaskólans 1951-1952

Úr Heimaslóð, Sögusetri Vestmannaeyja
Útgáfa frá 31. janúar 2010 kl. 19:45 eftir Viglundur (spjall | framlög) Útgáfa frá 31. janúar 2010 kl. 19:45 eftir Viglundur (spjall | framlög)
Fara í flakk Fara í leit

ÁFANGA NÁÐ

ctr

NÝJA GAGNFRÆÐASKÓLABYGGINGIN

Fyrsta starfsár okkar í hinni nýju byggingu Gagnfræðaskólans er brátt á enda. Í haust, þegar skólinn var settur þar fyrsta sinni, sóttu minningarnar að mér. Margs var að minnast frá mörgum liðnum árum. Baráttan fyrir byggingu þessari var orðin 18 ára gömul. Hún er orðin heil saga, sem almenningur hér veit lítil deili á. En eitt er víst, að alþýðu manna hér á ég það að þakka fyrst og fremst, að þessum áfanga í byggingarmálum skólans er náð. Hér er hvorki stund né staður til þess að fara um það mál mörgum orðum að sinni. Framgangur hugsjóna er oft háður margskonar straumköstum og breytingum í þjóðlífinu, bæði innan sveitar og utan. Á seinni árum finnst mér sem alþýða manna hér hafi lagt þennan hvítvoðung minn að brjósti sér og skapað honum þannig vöxt og viðgang. Án hennar fylgis og hugarhlýju og fulltrúa hennar sæti enn við hið sama í þessu framfaramáli bæjarins og menningarmáli.
En annars óska ég að minnast.
Veturinn 1947 hófu nemendur mínir að grafa fyrir undirstöðuveggjum skólahússins. Mig minnir það vera sumarið áður, sem fræðslumálastjóri boðaði til skólastjórafundar til þess að ræða framkvæmd hinna nýju fræðslulaga. Á fundi þessum kom fram fyrirspurn um það, hvort skólarnir hefðu eigi heimild til þess að leggja nokkra þegnskylduvinnu á nemendur sína í þágu skólans. Sú spurning hlaut jákvætt svar og þótti sú þegnskylduvinna ekki óhæfileg 3 dagsverk á hvern nemanda.
Þetta notfærði ég skólanum. Hreyfði ég því máli við nemendur mína í febrúar 1947, að þeir inntu af hendi þessa þegnskylduvinnu á hinni nývöldu byggingarlóð skólans með því að grafa fyrir byggingunni að einhverju leyti. Þetta reyndist auðsótt mál. Hvortveggja var, að byggingarmálið var nemendunum hugðarmál og svo er hraustum unglingum nautn að því að reyna á krafta sína við líkamlega vinnu, eftir setu á skólabekk marga mánuði.
Svo hófst þá þegnskylduvinnan, grafarastarfið. Hver aldurshópur vann sína þrjá daga með nokkru millibili frá kl. 9 að morgni til kl. 3 e.h. Var þá haldið heim til að lesa lexíur næsta dags. Þegar leið fram í aprílmánuð, höfðu allir nemendurnir innt af hendi þegnskylduvinnu sína. Við unnum einungis á blíðviðrisdögum. Minningin um þessa ánægjulegu vinnudaga mun endast mér lengi. Aldrei hef ég séð unglinga vinna af meira kappi og áhuga en þessa daga. Þar fylgdi hugur máli. Iðulega minnast nemendur mínir frá þessum árum þessara unaðslegu daga, þegar við hófum að grafa fyrir framtíðarheimili Gagnfræðaskólans hér.
Enn er langt í land, þar til byggingin er fullgerð. Enn er aðeins neðsta hæðin notuð til starfans og þó ekki nærri fullgerð, en allt er þetta í framkvæmd og mótun. Byggingin er að mestu leyti fullgerð utan. Lóð og lendur skólans þarfnast mikillar lagfæringar. Umhverfið allt þarf umbóta við. Þar þarf að jafna, slétta og girða. Við þau störf gefst okkur vonandi kostur á að endurnýja líkamskrafta okkar og hugarorku, á sólbjörtum vordögum, þegar námsþreytan herðir að. Það er ánægjuleg tilhugsun.

Þ. Þ.V.

Skýrsla Gagnfræðaskólans árið 1951-52

(í fyrra misprentaðist ártal skýrslunnar, skyldi vera 1950—1951)

Skólinn var settur að Breiðabliki 1. október. Nám hófu í skólanum 51 nem., 27 piltar og 24 stúlkur. Skólinn starfaði í þrem deildum. Nemendur miðskóladeildar fengu eins og áður aukakennslu í stærðfræði, sögu, ensku, dönsku og landafræði. Þeir slepptu verklegu námi, en voru að mestu leyti samferða öðrum nemendum þriðja bekkjar í bóklegu námi. Er það mikill ókostur að geta ei haft þá nemendur alveg sér, sem hyggja á landspróf miðskóladeildar. Verður nú getið nemenda í hverri deild. Heimili nemenda er hér í Eyjum, sé annars ekki getið.

3. bekkur.
(Sjá Blik 1950)
2. bekkur.
(Sjá Blik 1951).

útgerðarm. og k. h. Laufey Sigurðardóttir. Heimili: Vestmannabr. 68. Vm.

1. bekkur.


Kennarar, námsgreinar og skipting kennslustunda á viku:

Kennari kennslugrein 1. bekkur 2. bekkur 3. bekkur Miðskóladeild Kennslu stundir á viku í hverri grein Kennsla alls á viku
Sigurður Finnsson, settur skólastjóri Enska 8 5 1 14
S.F. Landafræði 2 2 2 1 7
S.F. Félagsfræði 2 2
S.F. Heilsufræði 2 2
S.F. Íþróttir í öllum bekkjum 2 2 2 2 8
S.F. Frjáls stund 1 1 2 S.F. alls 35 stundir
Sigfús J. Johnsen,
fastakennari		 Reikningur 5 3 5 13
S.J.J. Stærðfræði 2 2 4
S:J.J Náttúrufræði 2 2 2 1 7
S.J.J. Eðlisfræði 3 3
S.J.J. Saga 3 2 5
S.J.J. Bókfærsla 2 2 S.J.J. alls 34 stundir
Einar H. Eiríksson,
fastakennari		 Íslenzka 5 5 4 1 15
E.H.E. Danska 4 4 5 1 14
E.H.E. Saga 2 2
E.H.E. Frjáls stund 1 1 E.H.E. alls 32 stundir
Séra Halldór Kolbeins Kristin fræði 2 2 H.K. alls 2 stundir
Lýður Brynjólfsson, kennari Teiknun 2 2 4
L.Br. Smíðar 2 2 2 6 L.Br. alls 10 stundir
Steinunn Sigurðardóttir,
kennari		 Handavinna stúlkna + + + 4 St.S. alls 4 stundir
Magnús Magnússon,
netjagerðar
meistari		 Netjavinna + + + 4 M.M. alls 4 stundir
Oddgeir Kristjánsson,
tónskáld		 Söngur, stúlkur + + + 2 O.Kr. alls 2 stundir
Stundafjöldi fastakennara á viku 101 stund
Stundafjöldi stundakennara á viku 22 stundir



Fræðslumálastjórnin skipaði þessa prófdómendur við gagnfræða- og miðskólapróf: Sr. Halldór Kolbeins, Jón Eiríksson, skattstjóra og Jón Hjaltason lögfræðing.


Aðaleinkunnir við gagnfrœðapróf vorið 1952:

Bjarni Björnsson 7,73
Edda Sveinsdóttir 6,38
Guðjón Ólafsson 8,22
Halldóra Ármannsdóttir 7,39
Hildur Jónsdóttir 7,73
Kristín Jónsdóttir 7,83
Ólafur Valdimarsson 7,60
Björn Johnsen (miðsk.pr.) 6,27
Elín Guðfinnsdóttir (miðsk.pr.) 7,69

Nemendur þeir, er landspróf þreyttu, fengu báðir nægilega háa einkunn til þess að mega setjast í menntaskóla eða Kennaraskóla Íslands.
Skólanum var slitið 11. maí að Breiðabliki, leiguhúsnæði skólans. Hin árlega sýning á handavinnu nemenda var opin almenningi 4. maí frá kl. 10—7, og sóttu hana rúmlega eittþúsund manns.

Í aprílmánuði féll kennsla niður í tvo daga vegna þess að gefið var frí til vinnu.

Félagslíf í skólanum var gott. Nemendur höfðu með sér málfundafélag. Einnig stofnuðu þeir hljómsveit og spilaði hún oft á skemmtunum innan skólans og á opinberri skemmtun, er skólinn hélt. Farið var í gönguferðir venjulega einu sinni í mánuði. Árshátíð skólans var að venju haldin 1. des., og önnuðust nemendur öll skemmtiatriði.

Else Hansen, kennari frá Danmörku, dvaldi hér í Eyium á vegum skólans og fræðslumálastjórnar í eina viku.

Ólafur Ólafsson, kristniboði, flutti erindi í páskavikunni í skólanum og sýndi athyglisverðar kvikmyndir.

Eins og að undanförnu starfaði skólinn þannig, að nokkuð jöfn áherzla var lögð á bóklegt og verklegt nám, þó öllu meir á hið fyrrnefnda.

Gefið var út blaðið Blik eins og að undanförnu.

Vestmannaeyjum, 25. júní 1952.
Sigurður Finnsson (settur skólastjóri).


Sótt frá „http://heimaslod.is/index.php?title=Blik_1953/Skýrsla_Gagnfræðaskólans_1951-1952&oldid=55985“