Búastaðir

Búastaðir voru tvær jarðir, Eystri-Búastaðir og Vestur-Búastaðir. Upprunalega nafngiftin var Bófastaðir og er dregið af viðurnefninu buvi, sem þýddi digur, klumpalegur maður. Eftir 1600 er bærinn alltaf kallaður Búastaðir.

Búastaðir höfðu í Elliðaey 30 sauða beit og allar nytjar af fugli sem voru í eynni. Fólkið á bænum stundaði fýlatöku úr Stórhöfða.

Örnefni

Í túni Eystri-Búastaða

Dagteigur

Sléttur túnblettur nyrst og vestast í túninu, milli túna Háagarðs og Presthúsa. Á Dagteigi var grasmikið og var það álit manna að þar hefði verið akurlendi.

Lambhóll

Einnig kallað Lambhúshóll. Hóll syðst í túninu. Þar var áður lambhús.

Í túni Vestri-Búastaða

Kvíslarhóll

Stóð fyrir sunnan og vestan bæinn. Þar var áður fyrr þurrkðaar skinnbrækur á þar til gerðum kvíslum.

Ólafshúsarimi

Hólrani vestur úr Kvíslarhóli í átt til Ólafshúsa.

Hvammur

Lítil laut norður og vestur af Kvíslarhóli.