„Íþróttamiðstöðin“: Munur á milli breytinga

Í desember árið 1973 var skipuð nefnd sem skyldi athuga byggingu varanlegra íþróttamannvirkja í Vestmannaeyjum. Nefndin, skipuð einvala liði, hafði 100 milljónir til umráða og ákvað að nýta þær vel vegna hækkandi verðbólgu. Verkið var boðið út og tilboði erlends verktaka, „Klemensen og Nilsen“, tekið en það hljóðaði upp á 27 milljónir króna. Stuttu eftir að tilboðið var samþykkt, í desember 1974, ákváðu stjórnvald að grípa til gengisfellingar vegna vaxandi spennu í þjóðfélaginu og umframeyðslu. Þurfti þá að borga 360 milljónir fyrir sama verk. Fyrsta áfanga af þremur var lokið 15. júní 1975. Það var sundhöllin. Seinni áföngunum, tengihúsi og íþróttavöllum, var svo lokið um haust og vetur og þeir afhentir við hátíðlega athöfn, eins og fyrr segir, 10. júlí 1976.