Ásþór Guðmundsson (Heiðarbæ)
Ásþór Guðmundsson frá Heiðarbæ, rafsuðumaður fæddist 20. mars 1918 í Tungu við Suðurlandsbraut í Reykjavík og lést 17. nóvember 1985 á Sjúkrahúsi Keflavíkur.
Foreldrar hans voru Guðmundur Jónsson verkamaður, bóndi, f. 11. apríl 1876 í Ártúni við Reykjavík, d. 2. október 1958, og síðari kona hans Guðríður Þórunn Ásgrímsdóttir húsfreyja, f. 26. september 1880 á Kröggólfsstöðum í Ölfusi, d. 11. maí 1954.
Börn Guðmundar og Kristjönu Rósu Sigurðardóttur fyrri konu hans:
1. Sigurður Guðmundsson, f. 27. maí 1904 á Þingeyri í Sandasókn, Ís., drukknaði 17. mars 1928.
2. Þorbjörg Guðmundsdóttir húsfreyja á Boðaslóð 3, f. 29. ágúst 1905 í Reykjavík, d. 10. febrúar 1960.
3. Guðni Tómas Guðmundsson sjómaður, f. 20. september 1906 í Reykjavík, d. 2. apríl 1995.
4. Ingólfur Guðmundsson úrsmiður í Eyjum, f. 27. júlí 1909 í Reykjavík, d. 28. febrúar 1968.
Börn Guðmundar og Guðríðar Þórunnar síðari konu hans í Eyjum:
5. Ásþór Guðmundsson rafsuðumaður, f. 20. mars 1918 í Reykjavík, síðar á Vatnsleysuströnd, d. 17. nóvember 1985.
6. Kristján Rósberg Guðmundsson pípulagningamaður, f. 17. september 1919 í Reykjavík, síðar á Vatnsleysuströnd, d. 24. júlí 1975.
7. Matthías Gunnlaugur Guðmundsson húsasmiður, síðar í Keflavík, f. 19. nóvember 1920 í Reykjavík, d. 25. október 1997.
Barn Guðmundar með Vilborgu Kristjánsdóttur:
8. Kristjana Guðlaug Guðmundsdóttir húsfreyja á Þingeyri við Dýrafjörð, f. 25. júní 1901, d. 14. júlí 1978. Menn hennar voru Óskar Gunnar Jóhannsson og Bjarni Guðbjartur Jóhannsson.
Barn Guðmundar með Ólínu Sigríði Ólafsdóttur:
9. Margrét Guðlaug Guðmundsdóttir húsfreyja á Siglufirði, f.
11. desember 1917, d. 2. september 1992. Maður hennar var Jósafat Sigurðsson.
Ásþór var með foreldrum sínum í æsku, fluttist með þeim til Eyja 1921 og bjó með þeim á Eiðinu, að Ofanleiti, í Stórhöfðavita, á Brimhólum og í Heiðarbæ. Þau fluttust að Hnausum á Snæfellsnesi 1936 og að Skjaldartröð í Breiðavík þar.
Hann fluttist með þeim í Voga á Vatnsleysuströnd 1948.
Ásþór vann á Keflavíkurflugvelli og síðan í Skipasmíðastöð Njarðvíkur og þar tók hann próf í rafsuðu og vann við það þar til ársins 1979, er hann lét af störfum vegna veikinda.
Hann dvaldi síðustu ár sín á Hlévangi í Keflavík.
Ásþór lést 1985.
Kona hans var Ólafía Sigríður Brynjólfsdóttir, f. 28. febrúar 1936.
Börn þeirra:
1. Gunnar Ásþórsson, f. 18. október 1952. Hann er ókvæntur.
2. Jóhannes Brynjólfur Hólm Ásþórsson, f. 4. febrúar 1954. Kona hans Sigrún Baldursdóttir.
Heimildir
- Samantekt: Víglundur Þór Þorsteinsson.
- Guðlaug Jónsdóttir í Keflavík.
- Íslendingabók.is.
- Manntöl.
- Morgunblaðið.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.