„Jónas Sigurðsson (Skuld)“: Munur á milli breytinga

Frá unglings aldri stundaði Jónas bjargsig og fuglaveiði. Lundaveiði stundaði hann í Álsey á hverju sumri um margra áratuga skeið. Á yngri árum seig Jónas á hverju vori í björg til eggjatöku. Bjargsig sýndi hann mörg sumur á þjóðhátíð Eyjamanna og vakti það ætíð mikla athygli þjóðhátíðargesta. Þegar erlenda gesti bar að garði, oftast blaðamenn og ljósmyndarar, var Jónas oft fenginn til að sýna þessa „þjóðlegu“ íþrótt. Blaðagreinar og ljósmyndir voru birtar í erlendum blöðum og tímaritum og vöktu mikla athygli lesenda enda oft glæfralegt á að líta fyrir ókunnuga.